రవీయం

Graceful Shutdown

2012-02-12T23:41:00.004+08:00

ఆలో ఆలో టెకీస్ ఆ టైటిల్ చూసి ఆ సర్వర్ కో కనెక్ట్ అయ్యిపోకుండా మామూలు ప్రపంచం లో కి రండి . నేను మాట్లాడేది మన మామూలు జీవితం లో కొన్ని సోషల్ రిలేషన్ షిప్స్ , హాబీలు వగైరా వగైరా నుంచి నుండి తప్పనిసరి అనిపించినప్పుడు గ్రేస్ఫుల్ గా పక్కకు తప్పుకోవటం గురించి . మరి ఆ టైటిల్ ఎందుకు అంటే, క్యాచీ గా ఉంటుంది అని తెలుగు దర్శకుల బాట పట్టా :)

అసలు ఏదన్నా రిలేషన్ షిప్స్ , హాబీలు వీటి నుంచి పక్కకి ఎందుకు వెళ్ళాలి అని ఎవరన్నా అయోమయం గా నావైపు చూస్తుంటే వాళ్ళకి నా సమాధానం మీరు ఇప్పటి వరకు అదృష్టవంతులు infront there is crocodile festival అని అన్న మాట . నీ KJ లు ఆపి సరిగ్గా చెప్పవమ్మా ఆంటే ఏముందండి మన బుర్ర లో తోచే ఆలోచనలు ఇవాళ ఉన్నట్లు రేపు ఉండకపోవచ్చు , లేదు తప్పనిసరి గా మన జీవితం లో వచ్చే మార్పులకి అనుకూలం గా మారాల్సి రావచ్చు . కర్ణుడి చావుకు వెయ్యి కారణాలు అన్నట్లు దీనికి కూడా బోలెడు కారణాలు అన్నమాట.

సరే ఇక ఎలాగు తప్పదు అని మనకి తెలిసినప్పుడు దాని నుంచి బయటపడాలి కదా , అదే కొంచెం అందం గా చేస్తే మనకి , మనతో పాటు గా ఇన్నాళ్ళు ఉన్నవాళ్ళకి కొంచెం బాధ తగ్గుతుంది . మన హాబీ లేదా అలవాటు నుంచి బయటికి రావాలి అంటె ఎదుటి వారికి ఎందుకు చెప్పాలి అంటారా ? చెప్పాలి ఎందుకంటే మనం మన ఆనందం కోసం చేసిన ప్రయత్నాలలో కొద్దో గొప్పో ఎదుటి ప్రమేయం లేకుండా ఉండదు, దానితో మనకు తెలియకుండానే వాళ్ళు మన కోసం వాళ్ళ టైం ని , లేదా వాళ్ళ ఆలోచనలని మన కోసం ఖర్చు పెట్టి ఉండొచ్చు . దానికి గౌరవం , విలువ ఇవ్వాలి కదా ? ఉదాహరణకి రోజూ ఏ టేన్నిసో, కారంస్ లాంటి ఆటలు, లేదా టైం పాస్ ముచ్చట్లు కో ఒక గుంపు తో కలుస్తున్నారు అనుకోండి రేపటి నుంచి మీకు వీలవక మానేద్దాం అనుకున్నారు ఆ గుంపులోని వారికి ఒక ముక్క చెప్పటం మర్యాద . తొక్కలే ఎదుటి వాళ్ళు ఏమైతే నాకేంటి నేను నాకు ముఖ్యం అనుకునే వాళ్ళకి నేను చెప్పేది ఏమి లేదు , మీ ఇష్టం . కానైతే ప్రోపబిలిటీ ప్రకారం ఎక్కడో ఒక చోట మీకు ఇదే పరిస్తితి ఎదురవటం లో మీకు మీరే సాయం చేసుకుంటున్నారు అని చెప్పటం తప్ప . ఇలా చెప్పటం లో ఇంకొక లాభం కూడా ఉందండోయ్ . నలుగురికి చెప్పి మానేశాము అనుకోండి , రేపెప్పుడో మనస్సు మాట వినక అటువైపే లాగేస్తుంటే ఎదుటి వాళ్ళు మానేస్తానన్నావు గా అడుగుతారేమో అన్న భయం తో నన్న అటు వెళ్ళం, కాదంటారా ?

ఆ తరవాత మీరు ఒదిలేసిన అలవాటునో, వ్యక్తుల గురించో చెడు గా చెప్పటం అనేది అస్సలు చేయకూడని పని . ఇదే విషయం మనం ఉద్యోగ రీత్యా మారిన వదిలేసిన కంపెనీలకి , ఉద్యోగాలకి కూడా వరిస్తుంది . వీటిని కించపరిస్తే మీ గతాన్ని మీరు కించపర్చుకున్నట్లు కానీ వేరేవరినో కాదు .

అలవాట్లు అంటె మనకు ఫిజికల్ గా కనపడవు కాబట్టి పర్వాలేదు , కానీ వ్యక్తుల విషయం లో మనకు ఏదో ఒక సందర్భం లో ఎదురు పడే అవకాశం ఉంటుంది , అలాంటప్పుడు కేవలం వాళ్ళు నోచ్చుకోవటానికి మాత్రం ఇప్పుడు మనతో ఉన్న వాళ్ళ గొప్పతనం గురించి ఊదరగొడుతూ లేని పోనీ సూటిపోటీ మాటలు విసరటం లాంటి పనులకి దిగకపోతే గౌరవం గా ఉంటుంది .

ఇందంతా కాదు మిమ్మల్నే ఒకవేళ అవతలి వారు ఏదో విధం గా యవాయిడ్ చేయటానికి ప్రయతిస్తున్నారు అంటె, ఒకటి రెండు సార్లు వాళ్ళతో మాట్లాడాటానికి ప్రయత్నం చేయండి , మీరేంటో అవతలి వాళ్ళకి నిజాయితీ గా తెలియజెప్పే ప్రయత్నం చేయండి . అవతలి వాళ్ళు మీ ప్రయత్నాన్ని ప్రతిసారి లోకువ గా తీసుకుంటుంటే మీకు వెన్నుముక ఉంది అని గుర్తు చేసుకోండి forced shutdown చేయండి , అంతటితో ఆ కథ కి ఖచ్చితమైన fullstop (అంటె మూడో వ్యక్తీ దగ్గర వీరి ప్రసక్తిని ఎత్తి లేని పోనీ విమర్శలు చేసి మీ విలువ తగ్గించుకోకండి .) పెట్టేయండి .

ఖచ్చితం గా చెప్పాలి అంటె మన ప్లస్సులో బ్లాక్ ఆప్షన్ మాదిరి అన్నమాట (అంటె మీ రాతలు వాళ్లకి కనపడవు , వాళ్ళ రాతలు మీకు కనపడవు కదా అలా) . ఈ దెబ్బ కి మీరు మీ మూడ్ ఖరాబు చేసుకొని బి పి పెంచుకునే బాధ తప్పుతుంది .

పైదంతా చదివి ఇప్పుడు ఈ సోది అంతా ఎందుమ్మాయి అన్న ప్రశ్న మీ మనస్సులో కి రావొచ్చు తప్పు లేదు , దానికి నా సమాధానం . రేపో మాపో Feb 14 వస్తుంది కదా , మొత్తం ప్రపంచానంత ప్రేమించేయమని అందరూ చెబుతారు కానీ ఒకవేళ విడిపోవాల్సి వస్తే ఏమి చేయాలో ఒక్క రవీయం లో బ్లాగులో చదివితే మాత్రమే మీకు తెలుస్తుంది అన్న మాట ( నాకు తెలుసు ఈ మాత్రం సోది మాకు తెలుసు అని మీరు తిట్టే తిట్లు, అవి ఆపేసి ఒక కామెంట్ పెట్టి relax ఆవ్వండి :))

P.S.అసలు సంగతి చెప్పటం మర్చిపోయా నేను పైన రాసినది సోషల్ రిలేషన్ షిప్స్ గురించి మాత్రమే , ఫ్యామిలీ రిలేషన్ షిప్స్ గురించి కాదు .

సల్మాన్ రష్దీ , MF హుస్సేన్ , Saeed Malekpour

2012-01-23T12:17:00.000+08:00

నాకు అప్పుడప్పుడు భలే బుర్ర తొలిచే అనుమానాలు వస్తుంటాయి . అవి అర్జెంటు గా ఎక్కడో ఒక చోట గీకేయకపోతే అస్సలు అన్నం , నిద్ర వంటి వాటికి దూరం కావాల్సి వస్తుంది . అందుకే ఎక్కడ గీకేద్దమా అని చూస్తుంటే, పాపం ఇదుగో నేనున్నాను అంటూ నా బ్లాగు దొరికింది అందుకే ఇక్కడ గీకేస్తున్నా .

ఇంతకీ అనుమానం ఏంటంటే

అదుగో అప్పుడెప్పుడో MF హుస్సేన్ గీసిన బొమ్మల మీద జనాలు విరుచుకు పడ్డారు అని గగ్గోలు పెట్టె మన మానవతావాదులు , కళాభిమానులు , అత్యంత దయార్ధ్ర హృదయులు అయిన వార్తా విశ్లేషకులు , కానీ వారికి నేను సైతం అంటూ మద్దతు పలికే వారు గానీ , టన్నులు టన్నులు కామెంట్లు రాసేవారు గానీ సల్మాన్ రష్దీ గురించి , జైపూర్ లిటరసీ ఫెస్టివల్ లో జరుగుతున్న విశేషాలు గురించి , మైనారిటీ ఓట్లు కోసం ప్రభుత్వం పడుతున్న పాట్లు గురించి మాట్లడరేంటి అని .

నాకు తోచిన సమాధానం ఇది :

హిందువుల మనోభావాలు దెబ్బ తింటే వాళ్ళు చేసేముంటుంది , పైగా అటువంటి వాటిని ఖండిస్తే మంచి లౌకికవాది అన్న పేరొస్తుంది గాని . అదే ఈ విషయం లో ఏదన్నా నోరు జారితే వీళ్ళ తలలకి కూడా విలువ కట్టేస్తారు అన్న భయమేమో అని నాకు చిన్న అనుమానం . ఒక వేళ ఇదే కారణం ఐతే అర్ధం చేసుకోగలిగినదే ముందు ముందు బోలెడు వార్తలు వండి వార్చాలంటే వీళ్ళ తలలు ముఖ్యం కదా . ఆ ఉద్దేశ్యం తో కొంచెం రెస్టు తీసుకొని ఈ పరిస్తితులన్నీ చక్కబడ్డకా మళ్ళీ బురద పోయటం స్టార్ట్ చేస్తే బావుంటుంది అని ఆలోచనేమో . తెలివైన ఆలోచన కదా .

ఇది కాకుండా మీకు ఇంకేమన్నా కారణాలు తోస్తే నాకు చెప్పటం మరిచిపోకండే !

ఇంకో విషయం ఉండదోయ్ , ఇక్కడ చూడండి ఇరాన్ ప్రోగ్రామర్ కి death sentense confrm చేసిన వార్త కూడా ఎందుకో అస్సలు తెలియదనుకుంటా ఈ మానవతావాదులకి

అమ్మయ్య ఇక్కడ గీకేసా కదా, ఇక వెళ్లి అసలే ఇవాళ చైనీస్ న్యూ ఇయర్ మొదటి రోజు కాబట్టి చీపురు ని వాడకూదట , ఇల్లు తుడవకూడదట . నేనా పెద్ద మేధావి నీ కాదు, ఇంకా ఎవరి సంప్రదాయనైనా గౌరవించాలి అన్న అజ్ఞానం లో కూడా మునిగి తేలుతున్నా కాబట్టి మా ఇంటి ఓనర్ చెప్పిన మాట ప్రకారం ఎటువంటి పనీ పెట్టుకోకుండా ఒక కునుకు తీస్తా .

శ్రీ S.K.జయచంద్ర IPS

2012-01-15T20:48:00.004+08:00

కొంతమంది వ్యక్తులతో మనకు ఎటువంటి రక్త సంబంధం ఉండకపోవచ్చు కానీ సడన్ గా తళుక్కున మెరిసి మన జీవితం లో మంచి మలుపు కి మాత్రం కారణం అవుతారు . ఒకసారి వెనక్కి తిరిగి చూసుకుంటే ప్రతి ఒక్కరి జీవితం లో కనీసం ఒక్కరన్నా అలా గుర్తుకొస్తారు అని నాకు గట్టి నమ్మకం . . అలా వెనక్కి తిరిగి చూసుకుంటే నేను తప్పని సరి గా గుర్తు చేసుకోవాల్సిన వారు శ్రీ జయచంద్ర IPS . వీరి దగ్గర నేను దాదాపు ఒక సంవత్సర కాలం పని చేసాను .

వీరి గురించి కొన్ని వివరాలు


Education :	M.Sc, (Nuclear Physics)
	M.Phil, MBA (HRD)

Awards	Police Medal for meritorious services
	President's Police Medal for Distinguished services
	Indira Gandhi National Award for Outstanding Services
	Indian Medical Association (IMA) Award for Outstanding Services వీరి పూర్తి బయోడేటా ని ఇక్కడ చూడొచ్చు .

దేశం లోని అత్యున్నత సర్వీసు లో పని చేసిన వీరి గురించి నేను ప్రత్యేకం గా చెప్పవలసిన పని లేదు కానీ, వారిని చూసి నేను నేర్చుకున్నా , తెలుసుకున్న విషయాలు మాత్రం బోలెడు , వాటిని పంచుకుందామనే ఈ ప్రయత్నం ....

సాధారణం గా మనలో చాలా మంది కి ఎగ్జామ్స్ కి ప్రిపేర్ కావటం అంటే పడి పడి చదవటం , లేదా బోలెడు రిఫెరెన్సు పుస్తకాలు సంపాదించటం , అది వ్రాత పరీక్ష ఐతే నేరుకున్న దాన్ని సరిగా ప్రెజెంట్ చేయగలుతున్నామా అని చెక్ చేసుకోవటం, ఇంకా ఓపిక ఉంటె మాక్ టెస్టులు అటెండ్ అవటం ఇలా చేస్తాం కదా ? వీరి దగ్గర నేను నేర్చుకున్నది , మనకి ఒక సబ్జెక్టు కి సంబంధించిన ఎక్షామ్ ఏ సమయం లో ఉంటుందో ఆ సమయం లో అదే విధం గా పరీక్షలకి కొంచెం ముందు నుంచి ప్రిపేర్ అవ్వడం . దీని వల్ల మనకి తెలియకుండానే మన బ్రెయిన్ షెడ్యూల్ అవుతుంది , దానితో మంచి result కి అవకాశం ఉంటుంది

ఈ టిప్ నేను ఇప్పటికి ఫాలో అవుతాను . ఒకవేళ క్లైంట్ కి ఒక పర్టిక్యులర్ టైం లో రన్ అవ్వవలసిన schedules ఉంటె కరెక్టు గా ఆ షెడ్యూల్ టైం కి కనీసం ఒక్క సారన్న టెస్ట్ రన్ చేయకుండా రిలీజ్ చేసే ప్రసక్తే లేదు :)

ఇలా నన్ను ఆశ్చర్య పరచిన కొన్ని విషయాలు

హాబీ గా వెబ్ designing చేయటం .
ఎంతో ఓపికగా టెక్నికల్ టిప్స్ వివరించటం .
ఈ సివిల్ సర్వీస్ లో ఉండే వారికి మరి ఆ ఎనర్జీ ఎలా వస్తుందో కానీ లాంగ్ hours వర్క్ చేసినా సరే అదే ఎనర్జీ తో ఉన్నారు . మరి అది ఎలా సాధ్యం వాళ్ళే చెప్పాలి .
అంత బిజీ లైఫ్ లో ఉండి కూడా విష్ణు సహస్రం ని అర్ధం తో సహా తెనిగించడం .
ఇక భక్తి విషయం లో నాకు తెలిసినప్పటి నుంచి కార్తీక మాసం మొత్తం ఉపవాసం చేస్తారు .
పదవులతో తో సంబంధం లేకుండా టాలెంట్ ని గుర్తించి ఎంకరేజ్ చేయటం .

ఇలా చెబుతూ ఉంటె ఈ లిస్టు చాలా పొడవుతుంది కాబట్టి , ఇక్కడి తో సరిపెడతాను .

నాతో సహా ఎందరికో స్పూర్తినిచ్చిన జయచంద్ర గారు గత నెలాఖరున డీజీపీ గా పదవీ విరమణ చేశారు. పదవులతో నిమిత్తం లేకుండా వారు అందించే స్ఫూర్తి మరెందరికో అందాలని మనస్పూర్తిగా కోరుకుంటూ...

( నెమలికన్ను మురళి గారికి ప్రత్యేక ధన్యవాదాలు )

బెర్రీలమ్మ బెర్రీలు రక రకాల బెర్రీలు !

2011-12-28T19:06:00.031+08:00

మొన్నొక రోజు తృష్ణ గారి plus లో ఒక రకం పండ్లు (fruits ) ఫోటో పెట్టి ఇవేంటో చెప్పుకోండి అన్నారు . అంతే ఇక ఒకరి తో ఒకరం సంభంధం లేకుండా మాకు దొరికిన లింకుల తో సహా రక రకాల పేర్లు చెప్పేసాం . అంటె అదుగో ఆ పల్నాడు వీర బ్రదర్స్ ఇద్దరూ ఒకే పేరు చెప్పారు లెండి వాళ్ళిద్దరూ కాకుండా మిగిలిన వాళ్ళం అన్న మాట .

ఇక ఆ పోస్టు చూసిన దగ్గర నుంచి ఏదో ఒక రకం గా క్లాస్ తీసుకోవాలి అన్న దురద విపరీతం గా పెరిగిపోయి ఇదుగో ఈ రూపం లో మీ ప్రాణాలు తీసుకోబోతుందన్న మాట :)

సరే ఇక పిట్ట కథలు ఆపేసి అసలు కథ లోకి వద్దాం నేను నేను బెర్రీ పళ్ళ గురించి ఈ పోస్టు రాస్తునన్నమాట . అసలు బెర్రీ అంతె ఎంతంతే అది ఒకటి లేదా బోలెడు గింజలు కలిగిన గుజ్జు ఫలం అన్నమాట . (ఈ వాక్యం లో నేను రాసిన పదాలు నా శతకోటి టైపోలలో ఇవి కూడా కొన్ని అని ఫిక్స్ అయిన వారు ఇక్కడ చూడ ప్రార్ధన ) .చా మరీ ఎక్కువ కామెడీ చేస్తే అది కాస్త వికటించి అసలకే మోసం వచ్చే ప్రమాదం ఉంది అందుకే కాసేపు మనందరం సీరియస్ నెస్ పాటిద్దాం .

పైన చెప్పినట్లు బెర్రీ అనేది పండ్ల లో ఒక రకం . ఈ పండ్ల సాధారణ లక్షణం జ్యుసీ గా ఉండటం , తినలేనటువంటి గింజలు లేకపోవటం . ఇప్పుడు మనం అన్నీ కాకపోయినా, కొన్ని రకాల బెర్రీ పండ్ల గురించి తెలుసుకుందాం .

Blackberries

బ్లాక్ బెర్రీస్ (Blackberries)

: (ఏయ్ ఎవరిది ఇది ఫోన్ అనే వాళ్ళు :P) ఇవి పచ్చి గా ఉన్నప్పుడు రెడ్ ఒక రకమైన రెడ్ కలర్ ఉండి, పండి తినటానికి రెడీ అయినాయి మనకి అని చెప్పటానికి బ్లాక్ కలర్ (చిక్కని పర్పుల్ ) కలర్ లో మారి జ్యుసీ గా మెరుస్తుంటాయి .

Raspberries

రాస్బెర్రీస్(Raspberries) : రాస్బెర్రి , బ్లాక్ బెర్రీ చూడటానికి ఒకే రకం గా ఉన్నా రాస్బెర్రీ పండు మధ్య లో ఖాళీ గా ఉంటుంది . అలాగే మామూలు గా బెర్రీ లలో ఉండే విటమిన్ సి తో పాటు వీటిలో మెగ్నీషియం అధికం గా ఉంటుంది . వీటి ని భారీ ఎత్తు న సాగుచేయాలి అన్న ప్రయత్నాలు ఫలించకపోవటం తో మిగిలిన బెర్రీ లతో పోల్చితే మార్కెట్ లో తక్కువ గా దొరుకుతాయి అందుకే రేటు కూడా అధికం .

Boysenberry

బోయ్సేన్బెర్రి (Boysenberry) : ఇవి బాగా చిక్కని మెరూన్ కలర్ లో ఉంటాయి . ఈ బెర్రీ రాస్బెర్రెస్ , బ్లాక్ బెర్రీస్ , లంగాన్ బెర్రీస్ ల క్రాస్ సెక్షన్ తో ఏర్పడిన హైబ్రిడ్. మిగిలిన వాటితో పోల్చితే ఒక ప్రత్యేకమైన ఫ్లేవర్ తో ఉంటాయి .

Cloudberries

క్లౌడ్బెర్రీస్(Cloudberries) : ఇవి బ్రౌన్ కలర్ లో ఉండే బుల్లి బుల్లి బెర్రీలన్న మాట . వీటిలో విటమిన్ సి తో పాటు గా benzoic acids ఉండటం తో నాచురం preservative గా ఉపయోగపడతాయి .

Mulberries

మల్బెర్రీస్ (Mulberries) : ఇవి మనకు బాగా తెలుసు కదా , ఈ చెట్టు ఆకులు పట్టు పురుగుల కోసం అయితే పళ్ళు మాత్రం మన పొట్ట కోసం అన్న మాట .

స్ట్రాబెర్రీస్(Strawberries ) : ఇవి జగమెరిన బెర్రీలన్న మాట , అంటే తెగ ఫేమస్ . మంచి రుచి తో ప్రపంచమంతా దొరికే ఈ బెర్రీ లలో విటమిన్ సి తో పాటు మాంగనీస్ , ఫోలిక్ యాసిడ్ అధికం గా ఉంటాయి .

Strawberries

పైన చూసిన కొన్ని aggregate ( in which one flower contains several ovaries ), multiple (fruits that are formed from a cluster of flowers) బెర్రీ లతో పాటు Tayberries, Logan berreis బొమ్మల్లో చూడండి .

Loganberries

Tayberries

ఇప్పుడు కొన్ని సింపుల్(A fruit that develops from a single ovary in a single flower) బెర్రీలు ఎలా ఉంటాయో చూద్దాం .

Blue Berry

బ్లూ బెర్రీస్ (Blueberries) : బ్లూ బెర్రీస్ లో flavonoid antioxidants ఎక్కువ గా ఉండటం వల్ల ఆరోగ్యానికి మంచిది అని చెప్తారు . అందులో ఎంత నిజం ఉందొ మన డాక్టరు బ్లాగర్లు కౌటిల్య గారు లేదా శైలజ గారు గాని confirm చేస్తారేమో చూద్దాం .

Gooseberries

Gooseberries: ఈ పేరు వినగానే మన ఉసిరి కాయ అని confuse అవుతాం కాని Gooseberries, Indian Gooseberries వేరు వేరు అన్న మాట .

Blackcurrant

Blackcurrant & Red Currants : బ్లూ బెర్రీస్ లాగా ఇవి బాగా ఫేమస్ బెర్రీలు అన్న మాట , వీటిలో విటమిన్ సి తో పాటు high levels of potassium, phosphorous, iron and Vitamin B5 ఉంటాయి .

Redcurrant

Cranberries

Cranberries: ఇవి బుల్లి బుల్లి ఎర్ర గా ఉండే బెర్రీలన్న మాట . పచ్చి గా ఉన్నపుడు తెల్ల గా ఉంటాయి , పండినా ఎర్ర గా అవుతాయి . వీటిని మామూలు గా తినలేము కాని కాన్బెర్రే రైస్ , లేదా మన రోటి పచ్చడి లాగానో , లేదా జ్యూస్ గానో ఐతే బాగా లాగించోచ్చు .
.

ఇప్పుడ మనందరికీ బాగా తెలిసిన రెండు రకాల బెర్రీలు వీటి పేర్లు నేను చెప్పా , మీరే చెప్పేయాలి

ఇవండీ నాకు తెలిసిన కొన్ని బెర్రీలు . విటమిన్ సి , ఇంకా antioxidant లు ఎక్కువ గా ఉన్న ఈ బెర్రీ పళ్ళని తిని ఆనందించండి . అలాగే మీకేమన్నా doubts ఉంటె మన మొక్కల డాక్టరు మధుర , మామూలు డాకర్లు శైలజ గారు , కౌటిల్య గార్ల ని సంప్రదించండి .

ఏదో అమెరికా లో , యూరోప్ లలో ఉన్న వాళ్ళు అంత స్టైల్ గా మనం "We are going for summer berrying"
అని చెప్పలేకపోయినా మార్కెట్ కెళ్ళి కొనుక్కొని సంతోష పడొచ్చు ఏమంటారు , మరి ఇంకెందుకు ఆలస్యం కానివ్వండి :)

రండి రండి దయచేయండి ......!

2011-11-03T11:57:00.017+08:00

నమస్కారాలు నమస్కారాలు అందరూ బాగున్నారా ? ఈరోజు బృహుత్తరమైన ప్రణాళిక తో మీ ముందుకు వచ్చా ! అదేంటంటే అదేంటంటే .....

హూ ! అర్ధం అయ్యింది , "సోది ఆపి పని చూడు" అనే మీ వ్యంగపు చూపుల అర్ధం ? మరీ తెలుగు బ్లాగర్లు అదీ నా బ్లాగు కూడా చదువుతున్న మీకు ఇంత ఓపిక కూడా లేకపోతే మహా కష్టం సుమండీ . వస్తున్నా విషయానికి ఇప్పుడు మిమ్మలిని కొన్ని ప్రశ్నలు అడుగుతా మీరు చెప్పేయాలి అంతే !

"నవ్వడం ఒక భోగం,నవ్వించడం ఒక యోగం.నవ్వకపోడం ఒక రోగం " అన్నది ఎవరు ?
"పడమటి సంధ్యారాగం , శ్రీవారికి ప్రేమలేఖ , మల్లెపందరి , అహ నా పెళ్ళంట , వివాహ భోజనంబు , చంటబ్బాయి , రెండు రెళ్ళు ఆరు " ఈ పేర్లన్నీ చదువుతుంటే మీకు కామన్ గా గుర్తొస్తున్న వ్యక్తి ఎవరు ?
సుత్తివేలు , సుత్తి వీరభద్రరావు , బ్రహ్మానందం , శ్రీలక్ష్మి వీళ్ళని మనకు దగ్గర గా పరిచయం చేసిన వ్యక్తి ఎవరు ?

నాకు తెలుసు మీరు మహా షార్ప్ కదా బేసిక్ గా అందుకే ఈజీ పట్టేశారు ఆన్సర్ :)) యెస్ మీరు అనుకున్నట్లు నేను మాట్లాడుతుంది హాస్య బ్రహ్మ గా పేరు పొందిన జంధ్యాల సుబ్రహ్మణ్య శాస్త్రి గారి గురించే . ఇప్పుడు అర్జెంటు గా ఎందుకు అంటే ? జంధ్యాల గారి గురించి మనకు తెలియని విషయాలు తెలుసుకోవటానికి అలాగే మనకు తెలిసింది పంచుకోవటానికి , మన తెలుగు బ్లాగరు మిత్రులు కొంతమంది కలిసి ఒక చిన్న ప్రయత్నం మొదలు పెట్టారు . అదే జంధ్యావందనం అనే ఈ సైటు . మీకు తీరిక ఉన్నప్పుడు ఒకసారి వారి ప్రయత్నాన్ని అభినందిస్తారు అని నా ఈ చిరు పరిచయం .

అలాగే నా బ్లాగులో కుడి వైపున ఒక బాడ్జీ కనపడుతుంది చూడండి "జంధ్యావందనం " అని అలాంటివి మీరు కూడా వీలయితే మీ బ్లాగులో పెడితే మీకు చదివే వారందరూ అక్కడ కూడా ఒక చూపు చూడటానికి వీలు గా ఉంటుంది :) మీ అభినందనలు ఆ సైట్ లో కామెంట్ గా రాయమని మనవి .

ఈ సైటు గురించి ముందే తెలిసిన మిత్రులు మీకు తెలిసిన విషయం మళ్ళీ ఒకసారి గుర్తు చేసుకుంటే తప్పేమీ లేదు దీని గురించి జంధ్యాల మార్కు తిట్ల వర్షం నా మీద కురిపించ వద్దని మనవి .

బ్లాగ్ లెజెండ్ గారి కి పుట్టినరోజు శుభాకాంక్షలు !

2011-09-06T01:06:00.001+08:00

ముందు గా మన బ్లాగ్ లెజెండ్ గారి కి పుట్టినరోజు శుభాకాంక్షలు !

ఎవరా ఈ బ్లాగ్ లెజెండ్ అని ఆశ్చర్య పోతున్నారా ఐతే మీరు ఈ పోస్టు చదవలేదన్న మాటే , అర్జెంటు అక్కడ చదివి ఇక్కడ కొచ్చేయండి .ఇప్పుడు మీకు తెలిసిపోయింది కదా , బ్లాగ్ లెజెండ్ , బజ్ కింగ్ అంటే మంచుపల్లకి గారే అని :)ఆ లెజెండ్ గారు ఇదే రోజు (6thSeptember ) కొన్నేళ్ళ క్రితం పుట్టారంటండి .

ఈ బ్లాగు లెజెండ్ గారి గురించి రాయలేంటే ఒక పోస్టు ఏమి సరిపోతుందండీ , అందుకే మొత్తం వివరం గా చెప్పకపోయినా నా స్టైల్ లో నాలుగు ముక్కలు చెప్పేస్తా ఏమంటారు ? ఇప్పుడంటే పిల్లల ఆల్జీబ్రా లెక్కల నుంచి superposition theorem దాక అలవోక గా అలా చేసి పారేస్తున్నారు కాని చిన్నప్పుడు లెక్కల ట్యూషన్ కి వెళ్లి ఏమి చేసేవారో తెలుసా మీకు ? ఇవిగో ఆయన వేసిన వేషాలు ఆయన మాటల్లోనే చూద్దాం రండి ,లేదంటే నేను ఏదో కల్పించి చెప్పానని నా మీద యుద్దానికి వస్తారు .

పోనీయండి ఏదో చిన్నతనం పోకిరీ వేషాలు కానీ, పాపం మంచి అబ్బాయి అనుకుంటున్నారా అంత లేదు. ఈ మెత్త గా కనపడే మంచు వెనకాల ఒక గొప్ప జంతుహంతకుడు ఉన్నాడు .మీరు నమ్మటం లేదు కదా నిజం అండి ఒట్టు కావాలంటే ఈ బుల్లి బుల్లి జంతువులని ఎంత హింస పెట్టారో చూడండి ఇక్కడ . ఇప్పుడు నమ్ముతున్నారు కదా నా మాట , నమ్మక ఏమి చేస్తారులెండి ? అంత బొమ్మలు పెట్టి మరీ ఆయన పెట్టిన హింస గురించి ఎక్ష్ప్లైన్ చేసాక. మర్చిపోయానండి ఈయన ఇన్నివేషాలు వేసి మళ్ళీ తన చాలా మంచి మనిషి అమాయకుడు అని మనతో అనిపించుకోవటానికి మన మాలాకుమార్ గారు లేరండి పాపం ఆవిడ మంచితనం ని అలుసు గా తీసుకొని ఆవిడ తో తను చాలా అమాయకుడు అని చెప్పించే ప్రయత్నం చేస్తారు మీరు,ఈ ఒక్క విషయం లో మాత్రం ఆవిడ చెప్పే మాటలు నమ్మకండి ,పాపం ఆవిడ అందరూ ఆవిడ లాగ మంచి గా ఉంటారు అనుకుంటారు ఇందులో ఆవిడ తప్పు ఏమి లేదు :).

ఇంత ఇదిగా ఆయన చేసిన పనులన్నీ చెబుతూ ఉన్నావు మరి విషెస్ ఎందుకు చెబుతున్నావు అనే కదా మీ డౌట్ , నాకు తెలుసండి ఏదో కొంచెం అప్పుడు అప్పుడుఆ బుల్లి బుల్లిపిచ్చి పిచ్చి పనుల మధ్య కొన్ని మంచి పనులు కూడా చేస్తుంటారండి అందుకన్న మాట :) ఇంకా మన మంచుగారికి ఉన్న ప్రత్యేకత ఏంటో తెలుసా , టెక్నికల్ విషయాలని బహ చక్క గా మామూలు మాటల్లో చెప్పటం , ఇక్కడ, ఇంకా ఇక్కడ చూడండి ఎంత బాగా రాసారో . తన అభిమాన శాస్త్రజ్ఞులు గురించి ఆయన రాసిన ఈ సిరీస్ ఆ బ్లాగు కే హైలెట్ అని చెప్పొచ్చు . అంతే కాదండి ఒక సూపర్ ఆనంద్ గురించి చెప్పాలన్నా అలాగే రైతులు , సైనికులు దేశానికి వెన్నుముక అని చెప్పాలన్నా ఆయనికి ఆయనే సాటి .

ఇంతేననుకున్నారా , ఏంటి ? ఇంకా ఉన్నాయి మన మంచ్చాబ్బాయి గారి గురించి మీరు తెలుసుకోవాల్సిన విషయాలు అవి ఆయన గారి extra curricular activities అన్నమాట . అవి ఏంటా? అనే కదా మీ డౌట్ అయితే మీరు ఈ ఫోటోగ్రఫి టాలెంట్ , పక్కనోళ్ళ recipe పేరు కొట్టేసి , ఇంకోపాత అందరికి తెలిసిన వంటని తన మార్కు వంట గా పరిచయం చేసే టాలెంట్ చూస్తే మీకు కళ్ళు తిరగటం కాయం:). అలా అని ఆయనికి వంట రాదు అనుకుంటున్నారా ఉహు కాదు మూడ్ రావాలే కాని కాంటినెంటల్ వంటలు కూడా చేసి అవతల పడేస్తారు . ఇంకా మొన్న మధ్య అవినీతి పైన అన్నాహజారే చేసిన ఉద్యమం గురించి ఒకింత లో టోన్ లో మాట్లాడినా , ఆయన కూడా ఉద్యమం చేశారండోయ్.

ఇన్ని చూసి అసలు సిసలు టాలెంట్ చూడకపోతే ఎలా, అది చూడాలంటే మన మంచు గారు ఎలా అలక మాన్పిస్తారో మీరు తప్పక చదవాలి :)

అన్నట్లు మన మంచు గారికి ఇద్దరు ప్రియ శిష్యులు ఉన్నారండోయ్ , వాళ్ళిద్దరూ వాళ్ళ గురువు గారి మీద ఈగ వాలనివ్వరండి . వాళ్ళ గురువు గారి గురించి వాళ్ళ మాటల్లోనే ఇక్కడ చూడండి .

పవన్ కత :

మంచుపల్లకి - ఈ పేరు చూసి ఆ profile లోకి వెళ్ళాను .. చాలా అందమైన అమ్మాయి painting ఉన్న పోస్ట్ మ్యాటర్ ఎం లేదు కాని కింద 34 కామెంట్స్ . ఇక అయన కామెంట్స్ గమనించే వాడ్ని సున్నితమైన హాస్యం ఎవర్ని నొప్పించని శైలి ఎందుకో చూడగానే ఓ పాజిటివ్ ఫీలింగ్ తెప్పించేలా attitude ఇది సింపుల్ గా మంచు గారి గురించి నా అభిప్రాయం .. పరిచయం అయి దాదాపు మూడేళ్ళు కావస్తుంది కాని ఒక్క సారి కూడా మా మధ్య ఒక్క చిన్న మాట కూడా రాలేదు నన్ను చాలా రకాలుగా గైడ్ చేస్తు ఓ మంచి ఫ్రెండ్ అయ్యారు .సినిమా ఫక్కిలో చెప్పాలంటే అమ్మ అవకాయ మంచు గారు ఎప్పుడు బోర్ కొట్టరు . ఎందుకో తెలియదు కాని ఒక బర్త డె కోసం నేను ఇంతలా ఎదురు చూడడం మొదటిసారి .. love u మంచు గారు and wish you happy birthday to you .నేను పార్టి ఆడగను కాని చిన్న కోరిక నన్ను ఎప్పుడు మీ ఫ్రెండ్ లాగా బావించాలని కోరుతూ - కత పవన్

శివరంజని :

నిన్న టీచర్స్ డే కదా .............కాని నాకు మాత్రం ఈ రోజే టీచర్స్ డే ..ఎందుకంటే ఈ రోజు మా గురువుగారి పుట్టిన రోజు ...నిజం గా మా మొదటి గురువు గారు అంటే ఎంత గౌరవమో నాకు మా మంచు గురువు గారు అంటే కూడా నాకు అంతే గౌరవం ..........
.నేను మూడేళ్ళ వయసులో స్కూల్ కెళ్ళినప్పుడు బాక్స్ లో ఉన్న అన్నం , కూర దేనికవే విడివిడిగా తినేదాన్ని అప్పుడు మాకు మంజుల మిస్ ఎలా తినాలో దగ్గరనుండి ఆవిడ చెప్పేది .. ఆవిడ నేర్పని విషయం అంటూ లేదు
ఈ బ్లాగ్ లో మా గురువు గారు అంతే.... ఎంతో కేరింగ్ గా అంత కంటే సహనం గా అంత కంటే సంస్కారం వంతం గా చెప్పే గురువు .
గురువు గారు మీకు పుట్టిన రోజు శుభాకాంక్షలు .........ఇటి పుట్టిన రోజులు ఇంకో వంద చేసుకోవాలని ..ఎప్పుడూ నవ్వుతూ నవ్విస్తూ ఇవే ప్రేమాభిమానాలు తో అందరి హృదయాలలో నిలిచి పోవాలని మనస్పూర్తిగా ఆ దేవుణ్ణి కోరుకుంటున్నాను .

సరేనండి నాకుతెలిసిన "మంచు" గురించి చెప్పటం ఇక్కడితో ఆపేస్తున్న , మీరు మాత్రం మన అందరి ఫ్రెండ్ , మంచి బ్లాగరు అయిన మంచు గారు ఇలాగే ఎప్పుడు సంతోషం గా , హుషారు గా మరన్ని పుట్టినరోజులు గడపాలి అని మీ విషెస్ అందచేసేయండి మరి . అలాగే ఈ మధ్యన బద్దకానికి బిజీ అని పేరుపెట్టి ఒక్క బ్లాగు పోస్టు కూడా రాయకుండా కాలం గడిపేస్తున్నారు. ఈ అలవాటుకి fullstop పెట్టి ఒక మంచి పోస్టు కూడా రాయమని అడగటం మర్చిపోకండే అలాగే ఆ క్రింద ఉన్న చాక్లేటు మీ కోసమే :)

మంచు గారు మీకు మరోసారి హృదయపూర్వక పుట్టినరోజు శుభాకాంక్షలు, మీరు ఎప్పటికీ , ఇలానే ఆనందోత్సాహాలతో గడపాలి అని మనస్పూర్తి గా కోరుకుంటున్నాను .

సింగపుర - II

2011-08-08T18:10:00.013+08:00

మొదటి భాగం చదివారా? లేకపోతే ఒకసారి ఇక్కడ చూసి వచ్చేయండి .

ఇప్పుడు అర్ధం అయ్యింది కదా మీకు ఇప్పుడు నేను నాకు తెలిసిన సింగపూర్ ప్రజల రోజు వారి జీవితం గురించి సుత్తి వేయదల్చుకున్నాను అని , అయ్యో భయపడకండి మనం తెలుగు బ్లాగర్లం గుండె దిటవు చేసుకొని మన సాటి బ్లాగర్ రాసింది మనం కాకపొతే ఎవరు చదువుతారు అని ఫిక్స్ అయ్యిపొండి ఈసారి కి :)

సరే ఇప్పుడు ఎక్కడ నుంచి మొదలెడదాం .......... మనిషన్న వాడికి రోటీ , కపడా , మకాన్ అవసరం అన్న మాట ప్రతి భాష లోను , ప్రతి కవి చెబుతున్నాడు కదా అక్కడ నుంచి మొదలెడదాం .

ఆహారం : సింగపూర్ భిన్న సంసృతుల సమ్మేళనం , అలాగే ఎక్కువ ట్రాన్సిట్ visit కి అవకాశం ఉండే ఓడరేవు , విమానాశ్రయం ఉండటం , పైగా టూరిజం కి ఎక్కువ ప్రాధాన్యత ఉన్న దేశం కావటం తో అందుబాటు ధరలలో రకరకాల ఆహార పదార్ధాలు ఇక్కడ దొరుకుతాయి (కొన్ని చోట్ల 24 గంటలు ) . సాంప్రదాయ భారత , చైనా , మలయ్ , మయన్మార్ ఆహరం లభించే ఫుడ్ కోర్ట్స్ , ఖరీదైనా రెస్తారెంట్లే కాకుండా వెస్ట్రన్ ఫుడ్ లభించే దరిదాపు అన్ని ఫుడ్ చైన్స్ ఇక్కడ ఉంటాయి .చాల మంది సింగపూరియన్స్ కి వంట గది ఒక అలంకారం మాత్రమే . ఎక్కడ చూసినా ఉండే ఫుడ్ కోర్ట్స్, పైగా ధరలు కూడా అందుబాటు లో ఉండటం తో ఎక్కువ మంది ఈ ఫుడ్ కోర్ట్స్ పైనే ఆధారపడతారు . చైనీస్ కి చాలా త్వర గా రాత్రి భోజనం ముగించే అలవాటు , అలాగే ఇక్కడ ఉండే ఎక్కువ పని గంటలు కూడా ఈ అలవాటుకి ఒక కారణమేమో అని నా అభిప్రాయం . సాధరణం గా మొదటి తరం ఇండియన్స్ లేదా మాత్రం ఈ గ్రూప్ లోకి రారు :) వ్యవసాయం అనేది లేని దేశం అవటం తో ప్రతి దీ వేరే దేశం నుంచి దిగుమతి చేసుకోవటం తో నానా రకాల కూరగాయలు , పండ్లు ఇక్కడ దొరుకుతాయి . ఇక్కడ జనాభా కి సరిపడా మంచి నీటి వసతి లేకపోవటం తో నీరు కూడా మలేషియా నుంచి దిగుమతి చేసుకుంటారు. ఈ నీటి సమస్య ని ఎదుర్కోవటానికి , recycling ద్వారా నీటి ని శుభ్రపరిచి వాడటానికి ప్రయతిస్తున్నారు , దీన్నే ఇక్కడా న్యూ వాటర్ అంటారు .

ఇక్కడ steamboat అనే చైనీసు సంప్రదాయ వంటకం ఇక్కడ బాగా ఫేమస్ , చైనీస్ న్యూ ఇయర్ రెండు రోజుల్లో ఒక రోజు ఫ్యామిలీ మొత్తం వెళ్లి ఇది తినడటం అనేది వీళ్ళ అలవాటు. దీని గురించి తెలుసుకోవాలి అంటే ఇక్కడ చూడండి .

నివాసం :85 % ప్రజలు Multi Storied HDB ( Housing and Development Board ) flats ల లో నివసిస్తూ ఉంటారు . ప్రతి HDB బ్లాకు కి ఒక మల్టీ storied పార్కింగ్ ఏరియా ఉంటుంది . ఇలాంటి కొన్ని బ్లాకులని కలిపి హౌసింగ్ estates అంటారు . ఈ HDB లని సింగపూర్ గవర్నమెంట్ డెవలప్ చేసి race ratios , సిటిజెన్ షిప్ ఆధారం గా allot చేసుంది . వీటిని కొనుగోలు చేయటాని CPF నుంచి loans provide చేస్తారు . కొన్ని అపార్ట్మెంట్ బ్లాక్ లకి కలిపి ఒక గార్డెన్ , exercise equipment maintain చేస్తుంటారు . ఇవి కాక ప్రైవేటు కాండోస్ ఉంటాయి , వీటిని ఎవరైనా కొనుగోలు చేయొచ్చు . వీటి ఖరీదు ఎక్కువ గా ఉంటుంది .ఇక్కడ డెంగూ భయం వలన ఇళ్ళలో ఇండోర్ మొక్కల పెంపకం పైన నిషేధం ఉంది , తరచూ గా HDB లని inspect చేస్తుంటారు , ఇండోర్ మొక్కలు లేదా , నెలలు నిలువ ఉంచిన బకెట్స్ లాంటివి, లేదా శుభ్రత సరిగా లేకపోయినా ఫైన్ విధిస్తుంటారు . అలాగే రెంటల్ వ్యయం చాల ఎక్కువ కాబట్టి సాధారణం గా షేరింగ్ accommodation prefer చేస్తారు, అంటే రెండు ఫామిలీస్ కలిసి ఒక ఇంటిని అద్దెకి తీసుకోవటం , లేదా ఒక రూమ్ ని వంటిరి గా ఉండేవారికి అద్దె కి ఇవ్వటం వంటివి ఎక్కువ గా కనపడుతుంటాయి .

ఇక ఇన్ని తెలుసుకున్న తరవాత మనిషి చివరి గమ్యం గురించి కూడా తెలుసుకోవాలి కదా :) అంటే అదేనండి చనిపోయిన ఏమి చేస్తారు అని . చిన్న దేశం పైగా స్థలం ఎక్కువ గా లేకపోవటంతో ఇక్కడ సమాధులు వంటి కట్టడం నిషేధం. చనిపోయిన తరవాత ఆ కార్యక్రమాలని నిర్వహించటానికి సాధారణం గా Funeral Directors అని వాళ్ళ హెల్ప్ తీసుకోవచ్చు అలాగే అస్తికల్ని భద్రపరచటానికి ఇక్కడ కొలంబేరియం అనే ఏర్పాటు ఉంటుంది . ప్రభుత్వ నిర్వహణ లో ఉండే మూడు కొలంబేరియం లు సింగపూరియన్ ప్రజల కోసం మాత్రమే , PRs లేదా మిగిన వాళ్ళు ఈ ఏర్పాటు కోసం ప్రైవేటు కొలంబేరియం లను వాడాల్సి ఉంటుంది . సింగపూరు లో మొదటి లక్సరీ కొలంబేరియం లో యూషున్ అనే ప్రాతం లో ఉంది . దీని గురించి వివరాలు తెలుస్కోవాలంటే ఇక్కడ చూడండి . భయపడనక్కర లేదండి , డబ్బుంటే చని పోయినాకా కూడా ఎంత రిచ్ గా ఉండొచ్చో చూడండి .

సరే ఇక సింగపూర్ గురించి వివరాలు ఇక్కడి తో ఆపి ప్రేక్షకుల కోరిక మేరకు పర్యాటక విశేషాలు కొన్ని తెలుసుకుందాం :

సింగపూర్ visiting వీసా దొరకటం చాలా సులువు , సాధారణం గా నెల రోజులకి ఈ వీసా ని ఇస్తారు . అలాగే ఉండటానికి మన budget మేరకు అకామిడేషన్ దొరుకుతుంది .

చూడాల్సిన కొన్ని ప్రదేశాలు :

Singapore airport

Marina Bay Sands
Double helix bridge

ఈ క్రింది లింక్ బ్లాగర్ హరేకృష్ణ గారి కోసం ప్రత్యేకం :)

2011 Formula 1

Upcoming attractions in singapore

సింగపూరియన్స్ కి షాపింగ్ అంటే మహా పిచ్చి , Shop till you Drop, అనేది ఇక్కడ జనాలు పాటించే సూత్రం , కాలరీ లు కరగటానికి కూడా షాపింగ్ ఒక మార్గం అని నమ్ముతారు .సింగపూర్ కి "shopping paradise " అని పెద్ద పేరు , పెద్ద పెద్ద malls మీ పర్సు బరువు తగ్గించుకోవటానికి చక్కగా ఆహ్వానం పలుకుతాయి . మీరు తప్పకుండా కనీసం విండో షాపింగ్ అన్న చేయాల్సిన షాపింగ్ మాల్స్ ఇవి Vivo city, ion , Great World City.

అలాగే మీరు గుర్తు పెట్టుకోవాల్సిన రెండు అంశాలు

సింగపూర్ లో చూయింగ్ గం తినడటం నేరం , అలాగే తీసుకు రావటం కూడా.

మీరు గాని పొగరాయుళ్ళు ఐతే మీరు బారీ మొత్తం లో సిగిరెట్లు కనక తెస్తుంటే వాటికి డ్యూటీ కట్టవలసి వస్తుంది ఒక వేళ పర్సనల్ వాడుకకోసం ఐతే వాటిని ఐర్పొర్ట్ లో రెడ్ line లో declare చేయాల్సి ఉంటుంది .

ఈ రెండు ముక్కలు మన బంతి గారికి కోసం ఇస్పెషల్ :) సింగపూర్ అంటేనే ఇన్ఫర్మేషన్ సిటీ పేరు కాబట్టి మీరు సింగపూర్ గురించి ఈ ఇన్ఫర్మేషన్ అయినా నిమషాల్లో తెలుస్కోవచ్చు (బస్సు రాకపోకల తో సహా ) ఇది IT తో నే సాధ్యం . ఇక IT employee భవిష్యత్తు అమెరికా తుమ్మితే ఇండియా కి జలుబు చేస్తుంది , కాని సింగపూర్ కి ఏకంగా టైఫాయిడ్ వస్తుంది అదీ విషయం .

ఇందండి సింగపూర్ గురించి నేను మీకు చెప్పదలుచుకున్న సోది , ఇక ఇక్కడితో దీనికి fullstop పెట్టేస్తున్నా మీరు ఊపిరి పీల్చుకోవచ్చు , అలాగే "Majulah Singapura" అని ఒకసారి చెప్పి విండో క్లోజ్ చేసి రెస్ట్ తీసుకోండి :)

సింగపూర్ ని ఫోటోలలో చూడాలి అనుకుంటే గతం లో నేను తీసినవి కొన్ని ఇక్కడ చూడొచ్చు !

Singapore

Singapore flyer

సింగపుర - 1

2011-07-30T00:30:00.004+08:00

రండి రండి మీరందరూ సోషల్ స్టడీస్ పాఠాలు చదివి చాలారోజులు అయిపొయింది కదూ ? 9th ఆగష్టు సింగపూర్ నేషనల్ డే అంటే సింగపూర్ పుట్టినరోజు !అందుకే ఈ వారం అంతా, నేను మీ అందరితో సింగపూరు చరిత్ర చదివించాలి అని కంకణం కట్టుకున్నా . ఇక మీకు తప్పదు.:-).

ఏదో పైపైన రెండు లైన్లు చదివి విండో క్లోజ్ చేయటమో , ఒక కామెంట్ పెట్టటమో కాదు , చదివి exam రాయాలి మీరందరూ . ఏంటి బహుమతా ? .....ఉన్నాయండి, ఫస్ట్ , సెకండ్ , థర్డ్ ప్రైజెస్ , ఆకర్షణీయమైన ఆ గిఫ్ట్లు మొత్తం పోస్టు చదివితే తెలుస్తాయి , కానీయండి మరి !

మనం వెస్ట్రన్ స్టైల్ లో పిలుస్తున్న సింగపూర్ అసలు పేరు సింగపుర . ఈ పేరు రెండు మలయ్ (మూలం సంస్కృతం) పదాలైన సింగ (సింహము) మరియు పుర (పురము) అనే రెండు పదాల కలయిక వలన వచ్చింది. చారిత్రక ఆధారాల ప్రకారము, పధ్నాలుగువ శతాబ్దపు సుమత్ర ద్వీప యువరాజు "సంగ్ నిల ఉతమ" ఈ ద్వీపాన్ని సందర్శించినప్పుడు సింహము తల లాగా ఉన్న ఒక వింత జంతువు కనిపించినందుకు ఆ పేరు పెట్టాడట(ఇప్పుడు లేవులేండి మీరు అర్జెంట్ గా వెతకటం మొదలుపెట్టి కష్టపడొద్దు ) .

భౌగోళిక లక్షణాలు :

దక్షిణ ఆసియా లో (మలేషియా , ఇండోనేషియా దేశాల మధ్య) ప్రధానద్వీపంతో చేరి 63 ద్వీపాలతో కూడిన అతి చిన్న దేశము సింగపూర్. సింగపూర్ మొత్తం విస్తీర్ణం 704 చదరపు కిలోమీటర్లు , అయితే ప్రభుత్వం చేపట్టిన అనేక భూమి విస్తీర్ణ కార్యక్రమాల కారణంగా క్రమేణా పెరుగుతూ వస్తుంది . ఈ విస్తీరణ చిన్న చిన్న దిబ్బలా ఉన్న దీవులని , కొండ ప్రాంతాలని నివాసయోగ్యం గా మార్చటం ద్వారా జరుగుతుంది . ఇండోనేషియా పక్కనే ఉన్నప్పటికీ , ఆ దేశం లో ఉన్న ఫాల్ట్ లైన్ కి కొన్ని వందల కిలోమీటర్ల దూరం లో ఉండటం వల్ల seismic activity వల్ల పెద్ద ప్రమాదం లేదని అంచనాలు , అలాగే సముద్రం పక్కనే ఉన్నప్పటికీ "సమత్రా లాండ్ మాస్" వల్ల 2004 లో వచ్చిన అతి పెద్ద సునామీ నుండి సురక్షితం గా బయటపడింది .

వాతావరణం :

భూమధ్య రేఖకి 100 మైళ్ళ కన్నా తక్కవ దూరం లోనే ఉండటం వల్ల , ఇక్కడ రాత్రి , పగలు కాలాలు సమానం గా ఉంటాయి . అలాగే సంవత్సరం అంతా ఒకే రకమైన వాతావరణ పరిస్టితులు ఉంటాయి . ఈ సమయమలో నైనా వర్షం కురవోచ్చు . గాలిలో తేమ శాతం అధికం గా ఉంటుంది (సరాసరిన 90 % శాతం ).

ఆర్దిక అంశాలు :

ప్రపంచ దేశాలలో ఆర్ధికంగా 13వ స్థానంలో స్థానం సంపాదించింది . అంతర్జాతీయ వ్యాపార రంగంలోనాలుగు ఆసియా టైగర్స్ గా వర్ణించబడే దేశాలలో సింగపూరు ఒకటి (మిగిలినవి వరసగా హాంగ్‌కాంగ్, కొరియా ఇంకా తైవాన్). ఇంకా విదేశీమారక వ్యాపారరంగంలో పేరుపొందిన వ్యాపార అంతర్జాతీయ కేంద్రాలైన లండన్, న్యూయార్క్ , టోక్యో ల సరసన చేరింది.

ఎంట్రీపోర్ట్(tax free)వ్యాపార విధానాల వలన ఆర్ధికరంగాన్ని చక్కదిద్దుకున్న దేశాలలో సింగపూరు ఒకటి. సింగపూరు ఆదాయంలో 26 శాతం రాబడి పరిశ్రమల (ఎలక్ట్రానిక్స్, రిఫైనరీ, రసాయనాలు, మెకానికల్ ఇంజనీరింగ్ ,బయో మెడికల్ సైన్స్ ) ద్వారా వస్తుంది . .. సింగపూరు రేవు అత్యంత చురుకైన రేవుగా అంతర్జాతీయ గుర్తింపు పొందింది . అత్యంత వ్యాపారానుకూల దేశంగా కూడా సింగపూరు కు అంతర్జాతీయ గుర్తింపు ఉంది .

సంస్కృతి :

సింగపూరులో పూర్వీకులైన మలాయ్ ప్రజలు,మూడవ తరానికి చేరుకున్న చైనీయులు, విదేశీవాసులైన ఇండియనులు, అరేబియనులు, యూరేషియనులు నివసిస్తున్న కారణంగా మిశ్రమ సంప్రదాయాలు కలిగి ఉంది. కులాంతర, మతాంతర వివాహాలు ఇక్కడ సహజం. వివిధ మతాల ఆలయాలు ఇక్కడి మిశ్రమ మత సంప్రదాయానికి ప్రతీకలు.

సంప్రదాయ నిర్మాణాలతో నిండి ఉండే చైనా టౌన్ ,లిటిల్ ఇండియా ప్రదేశాలు సింగపూరు విభిన్న సాంప్రదాయాలకు గుర్తులు . ఇవి ఈస్టిండియా కంపెనీ కాలంలో ఇక్కడ పనులు చేయడానికి దేశాంతరాలనుండి వచ్చి స్థిరపడిన పౌరుల నివాసాలు. చైనీయులు, ఇండియనులు ఇక్కడ నివాసముంటారు. చర్చులు, హిందూకోవెలలు, మసీదులు, బౌద్ధ దేవాలయాలు కూడా ఇక్కడి ప్రజల సంప్రదాయాలను ప్రతిబింబిస్తుంటాయి. వీటిని కాపాడవలసిన పురాతన చిహ్నాలుగా ప్రభుత్వం భావిస్తుంది.

హిందూ, చైనీస్ సంసృతులకి సంభదించిన దేవాలయాలు సాధారణం గా అన్ని ప్రదేశాల్లో పక్కన పక్కనే ఉండటం ఇక్కడ సాధారణం గా కనపడుతుంది . హిందూ దేవాలయాల్లో తమిళ సాంప్రదాయ పద్దతులలో పూజలు నిర్వహిస్తారు .

సింగపూరు జాతీయ భాష మలయ్, జాతీయ గీతం మజులా సింగపుర . అధికార భాషలు మలాయ్, మాండరిన్, ఇంగ్లీష్, తమిళం. దేశ స్వాతంత్ర్యానంతరము ఇంగ్లీష్ అధికారిక హోదాను పొందింది. మొదట అమెరికన్ యాసతో ప్రభావితమైన ఇంగ్లీష్ ప్రారంభమైంది. విద్యా విధానాలలో ఇంగ్లీష్ మాధ్యమం కారణంగా ఇంగ్లీష్ వాడకం దేశమంతా వ్యాపించింది అలా ఇంగ్లీష్ సాహిత్యం అధికంగా సింగపూరు సాహిత్యంలో చోటు చేసుకోవడం సహజమై పోయింది. రాజ్యాంగ ప్రచురణలకు ఇతర అధికారిక అనువాదాలతో కూడిన ఇంగ్లీషుకు ప్రాముఖ్యత ఇవ్వడం అలవాటు. వివిధ భాషలను మాతృభాషగా కలిగిన ప్రజలు నివసిస్తున్న కారణంగా అనుసంధాన భాషగా ప్రజల మధ్య ఇంగ్లీష్ ప్రాచుర్యాన్ని సంతరించుకుంది. ఇక్కడి ప్రజల మాతృభాషలతో కలగలసిన సింగ్లీష్ ఇక్కడి ప్రజల స్వంతం.

చరిత్ర :

ఈ ద్వీపము 'సుమత్రన్ శ్రీవజయ' సామ్రాజ్యములో తెమసెక్(సముద్ర పురము) అనే పేరుతో క్రీపూ 2 వ శతాబ్దమునుండి 14 వ శతాబ్దము వరకు వ్యాపారకేంద్రముగా విలసిల్లిన తరవాత క్షీణదశ ఆరంభమైంది ( పురాతన అవశేషాలు మిగిలి ఉన్నా ఆర్కియాలజిస్టులచే ఇది నిర్ధారించబడలేదు). 16వ శతాబ్ధము నుండి 19వ శతాబ్ధపు ప్రారభం వరకు జోహర్లో (మలేషియా) ఒక భాగంగా ఉంది. ఆ సమయములో ఈ ద్వీపము జాలరుల నివాసస్థలంగా ఉండేది .

1819వ సంవత్సరము లో "థోమస్ స్టాన్ ఫోర్డ్స్ రాఫిల్స్" భౌగోళికంగా సింగపూరు వ్యాపారానికి అత్యంత అనుకూలమైన ప్రదేశంగా గుర్తించి ఈస్టిండియా కంపెనీ తరఫున బ్రిటిష్ వ్యాపారకేంద్రముగా అభివృద్ధి పరచే ఉద్దేశముతో ఒక ఒప్పందము చేసుకున్నాడు.ఈ ఒప్పందము దేశములో ఆధునిక యుగానికి నాంది పలికింది. ఈయనని ఆధునిక సింగపూర్ రూపకర్త గా చెప్పవచ్చు , ఈయన పేరు మీద ఏర్పడిన raffles place ఏరియా ప్రముఖ వాణిజ్య సముదాయలకి నెలవు . దీనినే డౌన్ టౌన్ అని కూడా అంటారు.అంతర్జాతీయంగా ఇక్కడకు వచ్చినివసించే వారిపై పౌరసత్వ కట్టుబాట్లు నిర్బంధం లేని కారణంగా వివిధ సంస్కృతులకు చెందిన ప్రజలు ఇక్కడ స్థిరపడటము ఆరంభము అయినది. 1858 వ సంవత్సరము నుండి జరిగిన ఈస్టిండియా పరిపాలన 1867 వ సంవత్సరమున బ్రిటిష్ సామ్రాజ్యపు పాలన లో కి వచ్చింది . బ్రిటిష్ కలోనీ నగరనిర్మాణ వ్యూహాలతో నగరాన్ని సంస్కృతి పరంగా విభజించింది. సింగపూర్ నది ప్రాంతము వ్యాపారుల,బ్యాంకర్ల ఆధిక్యములో వాణిజ్యపరంగా అభివృద్ధిని సాధించింది.

రెండవ ప్రపంచ యుద్ధకాలములో ఈ ద్వీపము 1942 వ సంవత్సరము 6 రోజుల యుద్ధము తరవాత జపాను సైన్యంచే ముట్టడించబడి జపాను వశమైంది. 1945 వ సంవత్సరము సెప్టెంబర్ 12 వ తేదీన జపానీయుల లొంగుబాటు తరువాత తిరిగి ఈ ద్వీపాన్ని బ్రిటిష్ వశపరచుకుంది. 31 August 1963 లో బ్రిటన్ నుంచి Federation of Malaysia లో భాగం గా స్వాతంత్ర్యం పొందింది . తరవాత రెండు సంవత్సరాల తరవార ఒప్పందాల ప్రకారంమలేసియా నుంచి విడిపోయి 9th ఆగష్టు 1965 న రిపబ్లిక్ అఫ్ సింగపూర్ గా ఏర్పడింది .

రాజకీయ అంశాలు :

సింగపూర్ పార్లమెంటరీ రిపబ్లిక్ అయినప్పటికీ అదికార పార్టీ అయిన PAP (పీపుల్ ఆక్షన్ పార్టీ ) 1965 నుంచి ఇప్పటికి వరకు వరుస గా ఎన్నిక అవుతూ వస్తుంది . ప్రతిపక్ష పార్టీ ప్రభావం తక్కువే అయినప్పటికీ , 2011 లో జరిగిన ఎన్నికలలో మాత్రం ఓటింగ్ శాతాన్ని గతం లో పోలిస్తే గణనీయం గా పెంచుకుంది . ప్రధాన ప్రతిపక్ష పార్టీలు (SDP & SDA) కలిసి పోటీ చేయటం వలన ఇది సాధ్యమైంది అని విశ్లేషకుల అంచనా .

సింగపూరు అతితక్కువ అవినీతి కలిగిన దేశంగా ఆసియాలో ప్రధమ స్థానంలోను, అంతర్జాతీయంగా పదవ స్థానంలోనూ ఉంది. సుస్తిరమైన రాజకీయ పరిస్తితులు , పాలకుల విచక్షణ , పరిపాలనా దక్షత దీనికి కారణాలు గా చెప్పవచ్చు .

మీడియా ప్రసారాలు , వార్తా పత్రికల ప్రచురణ పైన పూర్తి ప్రభుత్వ నియంత్రణ ఉంటుంది విభిన్న సంస్కృతుల, మతముల, భాషల ప్రజలు నివసిస్తున్న దేశం కనుక అల్ప సంఖ్యాకులను రెచ్చగొట్టేవి, ప్రశాంతతకు భంగం కలిగించేవి, ప్రజాశ్రేయస్సుకు ప్రతికూలమైనట్టి వ్యాఖ్యలను నిషేధిస్తూ వాక్ స్వాతంత్ర్యాన్ని కట్టుబాటులో ఉంచుతుంది. క్రూరమైనహత్యలూ, హానికరమైన మత్తు పదార్థాలకు సంబంధించిన నేరాలకు ఉరిశిక్ష విధించడం మామూలువిషయం . ప్రపంచంలో అధికశాతం ఉరిశిక్షలు అమలవుతున్న దేశాలలో సింగపూరుది అగ్రస్థానం.

సింగపూర్ లో రెండు రకాలైన ELECTORAL DIVISIONS ఉంటాయి .

1 . Single Member Constituencies (SMC ) : ఇవి సాధాణం గా జనాభా లోను , విస్తీరణం లో చిన్నవి . ఈ పార్లమెంటరీ డివిజన్ ని కేవలం ఒక MP రేప్రజేంట్ చేస్తారు . అంటే ప్రజలు ఒక MP ని మాత్రమే ఎన్నుకుంటారు . ప్రస్తుత SMC ల సంఖ్య - 12.

2 Group Representation Constituencies (GRCs): విస్తీరణం లోను , జనసాంద్రత లోను పెద్దవి . 3 - 6 మంది MP లను ప్రెసిడెంట్ నియమిస్తారు . ఈ మొత్తం సభ్యులలో ఒకరు తప్పని సరి గా మైనార్టీ రేస్ నుంచి ఉంటారు . ప్రస్తుత GRC ల సంఖ్య - 15 .

MP గా పోటీ చేయటానికి అభ్యర్ధి తప్పనిసరిగా పొలిటికల్ సైన్సు తప్పని సరి గా చదవి ఉండాలి .

అంతర్జాతీయ సంబంధాలు :

సింగపూరుకు దరిదాపు 175 దేశాలతో మంచి దౌత్య సంబంధాలు ఉన్నాయి. సింగపూరుకు ఐక్యరాజ్యసమితిలో, కామన్వెల్త్, అసోసియేషన్ ఆఫ్ సౌత్ ఈస్ట్ ఏషియన్ కంట్రీస్ లో సభ్యత్వము ఉంది. బ్రిటన్, ఆస్ట్రేలియా, న్యూజిలాండ్, మలేషియాలతో కలిసి ఐదు దేశాల రక్షణ ఒప్పందము ఉంది. సింగపూర్ యునైటెడ్ కింగ్‌డమ్ తో , అమెరికాతో కూడా మంచి సంబంధాలను కలిగి ఉంది, అలాగే అనేక దేశాలతో విసృత వ్యాపార ఒప్పందాలను కలిగి ఉంది.

విద్య

సింగపూరు అత్యధిక అక్షరాస్యులు కలిగిన దేశం. ఇక్కడ ప్రైమరీస్కూలు ఆరవసంవత్సరం నుండి మొదలౌతుంది. స్కూలుకు ముందు తరగతులు ప్రైవేట్ సంస్థలే నిర్వహిస్తుంటాయి. , మొదటి భాషగా ఇంగ్లీష్, ఇతర భాషలను (హిందీ, తమిళ్ , మాండరిన్ వంటివి)రెండవ భాషగానూ బోధిస్తుంటాయి. కొన్ని చైనీస్ పాఠశాలలు మాండరిన్ మాధ్యమంగానూ బోధిస్తూ ఉంటాయి.విద్యావిధానంలో చేరని మూడు సంవత్సరాల కిండర్ గార్డెన్ (ప్రాధమిక విద్యకు ముందు తరగతులు) తరవాత 6 సంవత్సరాల primary education ఉంటుంది . స్కూల్ లీవింగ్ పరీక్షల (PSLE) తరువాత ఎంచుకున్న పాఠ్యాంశాలతో 4 నుండి 5 సంవత్సరాల Seconday Education అనంతరం N లెవెల్ లేక O లెవెల్ పరీక్షలు నిర్వహిస్తారు.జూనియర్ colleges 2 నుండి 3 సంవత్సరాల ప్రి యునివర్సిటీ తరగతులు నిర్వహిస్తాయి. దీని తరవాత మాస్టర్స్ కోర్సులు చేయటానికి అర్హులు . నిరుద్యోగ శాతం 1 .5 శాతం మాత్రమే కావటం తో ఎక్కువ మంది ప్రీ యునివర్సిటీ కోర్సులు కాగానే ఉద్యోగాలలో చేరటానికి మక్కువ చూపుతారు .

రక్షణ వ్యవహారాలు

సింగపూరు రక్షణవ్యవహారాలు మినిస్ట్రీ ఆఫ్ డిఫెన్స్(MINDEF)ఆధ్వర్యంలో ఉంటాయి. సింగపూరు ఆర్మీ, రిపబ్లిక్ ఆఫ్ సింగపూరు నావీ, రిపబ్లిక్ ఆఫ్ సింగపూరు ఎయిర్ ఫోర్స్ఈ మూడు కలిసి సింగపూరు ఆర్మ్ ఫోర్స్ రక్షణశాఖ మంత్రి అధికారంలోఉంటాయి. వీటికి సివిల్ డిఫెన్సు వంటి కొన్ని సంస్థలు స్వచ్ఛందంగా తమ సేవలు అందిస్తాయి.ప్రతి సింగపూరు పురుషుడు రక్షణవ్యవస్థలో కనీసం 2 సంవత్సరాల కాలం పనిచేయాలి. ఆరోగ్య సమస్యలు ఉన్న వాళ్ళకు, కొన్ని తప్పనిసరి పరిస్థితుల్లోని వారికి కొన్ని మినహాయింపులు ఉంటాయి. రెండవతరానికి చెంది సింగపూరులో స్థిరనివాస మేర్పరచుకున్న పురుషులకు ఈ చట్టం వర్తిస్తుంది. రెండు సంవత్సరముల సేవల అనంతరం రక్షణశాఖలో కొనసాగే విషయం స్వయంగా నిర్ణయించుకోవచ్చును.సింగపూరు ఆర్మీ అంతర్జాతీయ శిక్షణా కేంద్రాలను అమెరికా, ఆస్ట్రేలియా, రిపబ్లిక్ చైనా, న్యూజిలాండ్, బ్రూనై, ఫ్రాన్స్, థాయిలాండ్, భారత్ మరియు దక్షిణాఫ్రికా లలో నిర్వహిస్తుంది. 1991 సింగపూరు ఎయిర్ లైన్స్ ఫ్లైట్ 117ను హైజాక్ చేసినప్పుడు సింగపూరు స్పెషల్ ఆపరేషనల్ ఫోర్స్ ప్రయాణీకులకుగాని సిబ్బందికిగాని ప్రాణనష్టం లేకుండా హైజాకర్ల వ్యూహాన్ని తిప్పికొట్టింది. ఈ ఆపరేషన్ లో నలుగురు హైజాకర్స్ ప్రాణాలు కోల్పోయారు . ఇది వీరి ప్రతిభ కి ఒక మచ్చు తునక .

సాధారణ ప్రజల జీవన విధానం , పర్యాటక విశేషాలు రెండో భాగం లో తెలుసుకుందాము ...... అంత వరకు take a break :)

అర్జెంట్ గా గొప్పవాళ్ళు కావటం ఎలా ?

2011-07-17T23:45:00.005+08:00

ఈ మధ్య నేను కొంచెం లో ప్రొఫైల్ మైంటైన్ చేస్తునట్లు గా నాకు అనుమానం గా ఉంది . సో...ఇప్పుడు నాకున్న ఏకైక ద్యేయం రాత్రికి రాత్రికి గొప్ప దాన్ని కావటం . ఇలా కావటానికి నాలో మిడి మిడి జ్ఙానాన్ని తట్టిలేపి కొన్ని ఐడియాలని పట్టేసా . అసలే ఇది ఓపెన్ సోర్సు యుగం కదా నా ఐడియాలని నాకోక్కదానికే స్వంతం అని నా బుర్రలో పెట్టి తాళం వేయటం ఎందుకు అని ఇదుగో ఇలా పబ్లిక్ గా బ్లాగులో పెడుతున్నా . మీకు నచ్చితే విచ్చలవిడి గా వాడేసుకోండి, చూసారా నేను ఎంత నిస్వార్ధపరురాలినో .

ఆ ఐడియాలని ఫాలో అయ్యేముందు మీరు ఈ చిన్న పనులు చేయాలి అవి :

ముందు గా ఈ సంవత్సరం జాతకఫలాలు లో మీ రాశి ఫలితాలు చూసుకోండి రాజపూజ్యం 5 , అవమానం 1 ఉందనుకోండి హాపీస్ ఇక మన పోబ్లెం సగం solved లేదనుకోండి ఏముంది సింపుల్ మీకు ఈ రాశి నచ్చితే అది మీది అయ్యేట్లు మీ జన్మ రహస్యపు వివరాల డేటాని మార్చేయ్యటమే.

బాగా గుళ్ళు వున్న ఏరియా చూసుకొని సైకిల్ వేసుకొని ప్రతి గుడిలో ప్రసాదం తినడం ప్రాక్టీస్ చేయండి , స్టీవ్ జాబ్స్ అమెరికా లో ఇస్కాన్ టెంపుల్ లో పెట్టె ఫ్రీ భోజనం ఒక సంవత్సరం పాటు తిన్నాడట ఇక మనమెంత. దానితో మనం యాపిల్ లాంటి సంస్థను కాకపోయినా జామపండు లేదా కనీసం అరటిపండు కంపనీ పెట్టుకోవచ్చు.

ఒక మంచి నక్కని తెచ్చి మీ వాకిట్లో దాని తోక మీరు నడిచే దారిలోకి వచ్చేట్లు గా కట్టేయండి, వీలయితే ఏ ఫెవికాల్ నో వాడి మీరు నడిచే దార్లో అతికించేయండి . ఏంటండీ అలా అయోమయం గా చూస్తారు మీరెప్పుడు వినలా "వీడు నక్క తోక తొక్కి వచ్చాడు" అనే ముక్క ? (మరీ ఇంత అయోమయం ఐతే కష్టం అండీ ) ఇంతకీ ఆ నక్కని కట్టేసాక మీరు చేయాల్సిన పని జస్ట్ మీరు బయటికి వెళ్ళేప్పుడల్లా దాని తోక తోక్కడమే . మీ కర్మ కాలి అది కరిచిందనుకోండి మీరెళ్ళి బూరెల బుట్టలో పడ్డట్లే ఏ టీవీ 10 లేదా 11 వాడో వచ్చి మీరు నక్కని తెచ్చి పెంచటానికి గల కారణాలు తవ్వి తీసి ఒకరెండు రోజులు పండగ చేసుకుంటాడు ఇక మీరు ఫుల్ famous

సరే ఇక మనం మన జీవితాన్ని మార్చే ఐడియాల్లోకి వచ్చేద్దాం :

1.కొత్తగా ప్రారంభమయ్యే తెలుగు టి.వి సీరియళ్ళ లో ఏదో ఒక వేషం సంపాదించండి . హీనపక్షం ఐదు నుంచి పదేళ్ళ వరకు పొద్దునో , సాయంత్రమో , రాత్రో ఏదో ఒక సమయంలో మీ దర్శన భాగ్యం అఖిల్లాంద్ర ప్రేక్షకులకి ఉచితం. అంతే కాకుండా ఏ దిక్కుమాలిన రియాల్టీ షో కో మిమ్మల్ని ఒక సెలబ్రిటీ గా మిమ్మల్ని పిలుస్తారు కాబట్టి అదో అడినల్ అవకాశం. కాకపొతే మీ టాలెంట్ అంతా వాడి ఎంత జనాలని ఎంత హింస పెట్టాలంటే హిట్లర్ వంటి వాళ్ళు మీ ముందు ఎంత అనుకోవాలి , అప్పుడే మీ పేరు పది కాలాల పాటు నిలుస్తుంది .

2. మీరు సాఫ్టువేరు కార్మికులా అయితే ఎర్ర పార్టీలు ఎలాగు మిమ్మల్ని పట్టించుకోవు. మీరే అన్ని పార్టి ల రంగు కలిపి ఒక జెండా తయారు చేసి - పార్టీ పెట్టి అందరిని ఏకం చేసి ఒకే చోట వుండడానికి కావలసినంత భూమిని కబ్జా చేయండి , అంటే అక్కడ మీ జెండాను పాతండి. దెబ్బకి మీపేరు తో ఒక కాలనీ వెలుస్తుంది , అదృష్టం ఉంటే విగ్రహాలు ఆ పై తెలివి తేటలతో ఓటు బ్యాంకు రాజకీయాలు చేయొచ్చు .

3.. మీ తాత గారు బాగా కథలు చెబుతారా ? అయితే మీ అదృష్టం బావుంది , ఆయన దగ్గరకి పోయి కాకపట్టి పురాణాలలో పిట్ట కథలు చెప్పించుకొని, అరిషడ్ వర్గాలను జయించి (నిజం గా కాదు అలా ఆక్షన్ చేయటం నేర్చుకొని) ఒక బాబా గా అవతారం దాల్చండి ఒక దెబ్బకి రెండు పిట్టలు డబ్బుకు డబ్బుకు , పేరు కు పేరు .

4 . ఏదో ఒక వర్గం అన్యాయం అవుతున్నారు అని ఒక agitation మొదలు పెట్టండి , మొత్తం ఒక వర్గం వారి సింపతీ మీ సొంతం ఇక మీడియా లో మీ పేరు మారుమోగి పోవటం కాయటం .

5.ఎక్కడి ఎక్కడి పురాతన సంపదని ఈ రకం గా అభివృద్దికి వాడొచ్చో మీ అమూల్యమైన సలహాలు ఉచితయం గా ఇచ్చేయండి . మీరు గొప్ప దయార్ద్ర హృదయులు అన్న ముద్ర సంపాదించుకోవచ్చు .

6 . డమ్మీస్ ఫర్ చేతబడి , చేతబడి ఇన్ nutshell అని బుక్ రాసి online లో అమ్మకానికి పెట్టండి .

ఏంటి ఇవన్ని వద్దు జనాలకి ఉపయోగపడేవి సలహాలు కావాలా ? ఏంటి మీరే కాలం లో ఉన్నారు అలాంటి చేసి పేరు సంపాయించటం అయ్యే పనేనా ? మీ పిచ్చ కాకపొతే ! సరే మీ ఉత్సాహాన్ని నేనెందుకు చల్లార్చాలి , కాస్కోండి :

1 . ఎక్కడ పడితే అక్కడ సెల్ ఫోనులో వేసే సొల్లు ఆపే ఒక వెంటతీసుకొని వెళ్ళగలిగే జామర్ ని కనిపెట్టి వెర్బల్ డయేరియా ని అరికట్టి నాలాంటి వాళ్ళ ఆరోగ్యాన్ని కాపాడిన వారవుతారు .

2 . SMS లు చూసి , లేదా ఎవరో చెప్పే మాస్ హిస్త్రీరియా తో ఊగిపోయి కనపడిదనడల్లా ద్వసం చేసే జనాలకి రెండు చెవులు మధ్య పదార్ధం ఉంది దానితో ఆలోచించాలి అని హెచ్చరించే ఒక చిప్ ని కనిపెట్టండి .

3 . రోడ్ల మీద ఎక్కడ పడితే ఊసే పవిత్రమైన అలవాటు ఉన్నవాళ్ళని ఆ పని చేయాలి అనుకోగానే నోరు తెరుచుకోకుండా చేయగలిగే యంత్రాన్ని కనిపెట్టండి .

4 . నేను మాత్రం బిజీ మిగలిన జనాలకి పనిపాటా లేదు అన్నట్లు signal jumpings లేదా అడ్డదిడ్డం గా డ్రైవింగ్ చేసేవాళ్ళని , అలాగే హాస్పిటల్స్ వంటి పబ్లిక్ ప్లేసెస్ లో నానా హడావిడి చేసేవాళ్ళని సరైన దారిలో పెట్టె యంత్రాన్ని కనిపెట్టండి .

ఏంటోనండి జనానికి పనికొచ్చే విషయాలు చెబుతున్నా, కానీ ఈ ఐడియాలతో టైం వేస్ట్ తప్ప పని జరగదు అని గట్ ఫీలింగ్, ఉదాహరణకి ఒక సారి మీ చూట్టూ ఉన్న వాళ్లకి ఈ చిన్న ప్రశ్నలు వేసి చూడండి "పెన్సిలిన్ ని కనిపెట్టినది ఎవరు " ? అలాగే "లేటెస్ట్ బద్రినాథ్ సినిమా లో హీరో ఎవరు" ? ఆ రెండిటికి వచ్చిన సరైన సమాధానాల percentage తో నిర్ణయించుకోండి ఏది సులువైన దారో :)

ప్రస్తుతానికి నాకు తోస్తున్నవి ఇవండీ , మీకు తట్టిన అమూల్యమైన సలహాలని కామెంట్ల రూపం లో నలుగురికి పంచటం మర్చిపోకండే

శ్రమైకజీవన సౌందర్యం

2011-04-23T00:05:00.002+08:00

మీరు రాంబాబు డైరీ చదివారా ? ఆగండి మీ తిట్లతో నా చెవులు చిల్లులు పడుతున్నాయి , ఆ శ్రమైకజీవన సౌందర్యం అన్న హెడ్డింగ్ ఏంటి , రాంబాబు డైరీ చదివారా అన్న ప్రశ్న కి సంభంధం ఏమిటి అసలా మాటకొస్తే ఆ రాంబాబు గాడు ఎవడు అనే గా మీ సందేహం . చెప్తానండి , ఒక్క క్షణం రాంబాబు డైరీ అనేది నండూరి పార్ధసారధి గారు రాసిన ఒక పుస్తకం పేరండి. ఆ సరే ఐతే ఆ పుస్తకానికి ఈ శ్రమైకజీవన సౌందర్యం కి సంభంధం ఏంటి అనేగా ఇప్పుడు మీ ప్రశ్న . ఆ వివరాలలోకే వస్తున్నా . ఈ రాంబాబు డైరీ ల మొదటి బాగం మూడు సంవత్సరాల క్రితం నేను ఇండియాలో ఉన్నప్పుడు చదివాను , అది మొదటిసారి నేను చూసింది నేను చిక్కడపల్లి లైబ్రరీ లో (ఇప్పుడు ఆ లైబ్రరీ గురించి తెలిసిన వాళ్ళు సందేహపడకండి ఒక్కోసారి అంతే లక్కు లాగిపెట్టి తంతే మనం వెళ్లి బూరెల బుట్టలో పడతాం ). ఆ పుస్తకాన్ని మొదటి సారి చదవగానే నేను అర్జెంటు గా చేసిన పని , విశాలాంద్ర కెళ్ళి అది సంపాదించటం ఎందుకు అనుకుంటారేమో ఆ రాంబాబు కి ఉన్న సందేహలలో కొన్ని నాకు ఉన్నాయి మరి ఆయన వాటిని డైరీలో రాసుకున్నాడు , నాకు రాయటానికి బద్ధకం అందుకే రాసే పని తప్పుతుంది అని కొనేసుకున్నా :)

అందులో మచ్చుకి కొన్ని :
1. దేశం లో ఔషదాల పరిశ్రమ అభివృద్ధి చెందుతున్నప్పటికీ , ఎన్ని టానిక్కులు ఉత్పత్తి అవుతున్నప్పటికీ బలహీన వర్గాల పరిస్తితి ఎందుకు మెరుగుపడటం లేదు ?
2.షాపింగ్ అంటే షాప్ కి వెళ్లి కొనటం ఐతే , మార్కెటింగ్ అంటే మార్కెట్ కి వెళ్లి కొన్నుకోవటం ఎందుకు కాదు ?
3. దున్నేవాడిది భూమి అంటున్నారు రైతులు , రేపు బట్టలు ఉతికే వారు ఉతికేవాడిది బట్ట అనొచ్చు , తల క్రాఫింగ్ చేసే వారు గోరిగే వాడిది తల అని వాదించరు అని గ్యారెంటి ఏమిటి ?

సరే సందేహాల సంగతి పక్కన పెడితే అనుభూతుల సంగతి చూద్దాం ఎంత సిన్సియర్ గా చెబుతాడో
గ్రీష్మ ఋతువులో మధ్యాహాన్నం పాడే ముల్తానీ రాగం వింటే వేసవి కాలం మిట్ట మధ్యాహన్నం చెమటలు పోస్తుంటే బామ్మ గారు ఆవలిస్తూ గచ్చునేల మీద చెంగు పరుచుకొని పడుకుని ఆవలిస్తూ ఈగలు తోలుకుంటూ విసిన కర్ర తో విసురుకుంటున్నట్లు ఉండటం (మామూలు జనాలకైతే ప్రియుని కోసం ఎదురుచూసే ప్రియురాలి విహార వేదన తెలియాలి ) .

ఇక మచ్చుకి మన రాంబాబు ప్రతిపాదించిన సిద్దాంతం :
అవతలి వాడికి తెలిసిన విషయం గురించి మనం ఎప్పుడు మాట్లాడకూడదు , అవతలి వాడికి ఏది తెలియదు అని మనకి గట్టిగా తెలుసో దాన్ని గురించి మనకి తెలియకపోయినాసరే అనర్గళం గా మాట్లాడొచ్చు అందుకని అవతలి వాడికి ఏది తెలియదో అది తెలుసుకోవాలి ముందు .

ఈ పైవి చదివితే మనలోని రాంబాబుని ఒకసారి చదవాలి అనిపించటం లేదు , అనిపిస్తుంది కదా :) అందుకే నేను జనవరి లో వెళ్ళినప్పుడు రాంబాబు డైరీ రెండో బాగం దొరకబుచ్చుకుని నా వెంట తెచ్చుకున్నా . ఇక అప్పటినుంచి ఒక రెండు నెలలు పని పని , కాని చదవాలన్న కోరిక , సరే ఆ బాధ తట్టుకోలేక ఎలాగోలా , రాంబాబు డైరీ తో పాటు ఇంకొక రెండు పుస్తకాలు హడావుడి గా ముద్దలు ముద్దలు మింగుతాం చూడండి అలా కానిచ్చేసా .

ఇక వారంతం మాకు గుడ్ ఫ్రైడే సందర్భం గా పొడుగాటి వారంతం , పైగా ఆఫీసులో కూడా ఒక పది రోజుల నుంచి తగ్గిన పని ఒత్తిడి వీటితో గురువారం సాయంత్రమే డిసైడ్ అయిపోయాను ఈ మూడు రోజులు కాలు తీసి బయట పెట్టకూడదు , పర్స్ లోంచి ఒక్క సెంట్ కూడా ఖర్చు చేయకూడదు అని . అంతే నిన్న , ఈవాళ పండగ రాంబాబు డైరీ రెండో బాగం మళ్ళీ తీరిగ్గా చదివేసా , ఇంకొక కొత్త బ్లాగు మొదలెట్టేసా. కొన్ని రోజులు పని తరవాత వచ్చే తీరిక సమయాన్ని ఈ మూడు రోజులు క్షణం కూడా వృధా చేయకుండా ఎంజాయ్ చేస్తున్నా , ఇప్పుడు అర్ధం అయ్యిందా మీకు ఈ పోస్టుకు ఆ హెడ్డింగ్ ఎందుకు అనేది :)

అలాగే శ్రమలో ఆనందాన్ని అనుభవించటమే కాదు శ్రమించే వారిని అభినందించటం కూడా మంచి పని కాబట్టి :

విజయవంతం గా మొదటి సంవత్సరం పూర్తి చేసుకొని రెండవ సంత్సరంలోకి అడుగు పెట్టిన శుభసందర్భం లో మాలిక టీం మెంబెర్స్ కి శుభాకాంక్షలు . చిన్నారి మాలిక కు బెలేటేడ్ హ్యాపీ బర్త్ డే !

మాలిక , మాలిక ప్రతిక , వనితా మాలిక ఇవే కాకుండా మీరు మరన్ని విజయవంతమైన పనులు చేయాలి అని మనస్పూరిగా గా కోరుకుంటున్నా !

ఇలా జరిగింది !

2011-03-21T22:18:00.005+08:00

21 -03 -2011 - సమయం 9 :15 అం HR ఒక సౌత్ ఇండియన్ లుక్ తో ఉన్న అమ్మాయిని పరిచయం చేస్తుంది . ఈమె సో అండ్ సో మీ టీం లో సో అండ్ సో పొజిషన్ లో జాయిన్ అయ్యింది అని .
ఎదురు సీట్ తమిళ్ కొలీగ్ : తెలుగు అమ్మాయా ?
నేను : తెలియదు కాని పేరు మాత్రం తెలుగు పేరు లా ఉంది.
సరే introduction session అయ్యాకా ఆ అమ్మాయికి నా పక్క సీట్ allot చేసారు .
ఆమె ఏదో అడుగుతుంది , నేను ఆన్సర్ చేస్తున్నా (ఇదంతా ఇంగ్లీష్ లోనే ).
సమయం 4 PM :
నేను : కాఫీ ?
ఆమె : I don't like coffee , I like Milo .
5 నిమషాల తరవాత చెరొక కప్పు తో సీట్ దగ్గర కి వచ్చాం .
నేను : ఇండియా లో ఈ ప్రాంతం నుంచి వచ్చారు ?
ఆమె : ఆంధ్రప్రదేశ్
ఆమె : మీరు ?
నేను : హైదరాబాద్ !

నేను : హ్మ్ ! AP లో ఎక్కడ ? (ఇక్కడ నుంచి తెలుగు లోకి దిగిపోయాం :))
ఆమె : గుంటూరు
నేను : ఓహ్ గుంటురేనా , లేదా దగ్గర వేరే ఊరా ?
ఆమె : పొన్నూరు తెలుసా
నేను : తెలుసు పొన్నురా ? ఒకే !
ఆమె : అంటే పొన్నూరు కూడా కాదు దగ్గర xxxxxxx
నేను : హ (ఇక్కడ చచ్చేంత ఆశ్చర్యం) అవునా అదెలా ఎవరమ్మాయి మీరు ?
ఆమె : ఏమి మీకు తెలుసా ?
నేను : తెలుసా ? అది నా నేటివ్ ప్లేస్ .
ఆమె : అవునా నేను పలానా వాళ్ళ మనవరాలిని , మీరు
నేను : హ హ నేను పలానా !
ఆమె : హ మీరా ?
మా ఇద్దరి పెరిగిన గొంతులు , వాటిలోని excitement చూసి మిగిలిన కొలీగ్స్ ఏమి జరిగింది జరిగింది అని క్యురియస్ . ఇక తరవాత మా explanation :)

ఇంతకీ విషయం ఏంటంటే మా ఫ్యామిలీ తనకి తెలుసు , వాళ్ళ ఫామిలీ నాకు తెలుసు , మేము ఎప్పుడో చాలా చిన్నపుడు చూసుకొని ఉండొచ్చు , తరవాత వాళ్ళు గుంటూరు వెళ్ళిపోయారు , మేము హైదరాబాద్ . ఈ మధ్యనే రీసెంట్ గా పర్సనల్ reasons తో వాళ్ళు సొంత ఊరికి వచ్చేసారు . ఇప్పుడు పక్కనే పక్కనే కూర్చొని ఇన్ని సంవత్సరాల తరవాత కలిసి పని చేస్తున్నాం .
world is small అంటే ఇదే కదూ :)

అన్నీ వృత్తులు సమానం కాదా ? ఎందుకు ?

2011-01-27T21:36:00.002+08:00

ఏంటో ఇప్పుడు బ్లాగుల్లో వృతుల టాపిక్ బాగా హాట్ అనుకుంటా కదూ ? . ఏది క్లిక్ ఐతే దానికి వెనకే పరిగెత్తే తెలుగు జాతిలో పుట్టి ఇప్పుడు నేను దీని మీద ఒక పోస్టు రాయకపోతే నా ఐడెంటిటీ కే ప్రాబ్లం . సరేలెండి ఈ సోదంతా ఎందుకు కాని ఒకవేళ మీకు ఈ టపా బాక్గ్రౌండ్ తేలియకపోతే మంచు గారు , ఆకాశరామన్న గారు , వేణు బాబు గారు రాసినవి ఒక చూపు చూసి వచ్చేయండి . ఇక మీకు మనం మన బుర్రలు ఎందుకు బద్దలు కొట్టుకోబోతున్నామో అర్ధం అయ్యింది కదా :)

సరే మీరందరూ ఆదిత్య 369 అదేంటండీ అలా చూస్తారు అదే మన సినిమా లో బాలయ్య వాడలా అది ఎక్కేసి అలా క్రీపూ 7000 సంవత్సరాల క్రితాని కి వెళ్ళండి . వెళ్ళారా ? ఏమి కనిపిస్తుంది అక్కడ ఎవరి ఇష్టం వచ్చినట్లు వాళ్ళు వేటాడి , లేదా దొరికిన కొమ్మలు , ఆకులు , పళ్ళు , కాయలు (అదేలెండి మన సలాడ్ స్టైల్ గా ) తింటున్నారు కదా. ఒకే ఇప్పుడు కొంచెం ముందుకు రండి ఏమి కనిపిస్తుంది అదేలెండి గుంపులు గుంపులు గా కలిసి వేటాడటం , లేదా ఏదో ఒక పంట పండించటం చేస్తున్నారు కదా ? ఇంకా కొంచెం ముందుకు రండి ఇప్పుడు కొంత మంది వ్యవసాయం చేస్తున్నారు , ఇంకొంత మంది వాళ్ళకి కావాల్సిన పనిముట్లు తయారు చేస్తున్నారు , కొంత మంది పిల్లల సంరక్షణ వగైరాలు చేస్తున్నారు కదా . అదండీ అక్కడ పడింది మొదటి బీజం మన వృత్తుల వర్గీకరణ కి . సరేలెండి ఇక మన టైంమెషిన్ లో పెట్రోల్ అయ్యిపోయ్యేట్లు ఉంది . ఇక మన బ్లాగుల కాలానికి వచ్చేయండి .

వచ్చేసారా ఇప్పుడు ఒక సారి మీ చిన్నతనాన్ని ఊహించుకోండి బావుంది కదా హాయి గా తినటం , తిరగటం :) సరే ఆ రెండేనా కొంచెం చదువు కూడా కావలిగా ఒక సారి మీ పుస్తకాల బ్యాగ్ గుర్తుతెచ్చుకోండి , ఏమి సబ్జేక్ట్లు ఉండేవి , సైన్సు , సోషల్ , తెలుగు, హిందీ , ఇంగ్లీష్ , మాధ్స్ యిలా కదా ? సరే పిల్లలు ఉన్నవాళ్ళు మీ పిల్లలు ఏమి సబ్జక్ట్స్ చదువుతున్నారో ఒక సారి గుర్తు తెచ్చుకోండి లేని వాళ్ళు అదేనండి పక్కింట్లో ఉంటారు కదా ఆ పిల్లల పుస్తకాలు చూడండి , ఆశ్చర్యం గా ఉంది కదా ఒక నాలుగు రకాల సైన్సులు, ఒక నాలుగు రకాల సోషల్లు ఇంకా ఏవేవో సరే కాసేపు అది అలా వదిలేద్దాం. ఇప్పుడు ,ఆసుప్తత్రుల గోల చూద్దాం మీ చిన్నప్పుడు మీకు జలుబు , జ్వరమో వస్తే మీ ఆమ్మమో , తాతో డాక్టర్ తీసుకెళ్ళి ఒక ఇంజెక్షన్ చేయిస్తే మరుసటి రోజుకి గంతులు వేసే వాళ్ళు కదా, మరి ఇప్పుడు ఒకసారి హాస్పిటల్ కి వెళదాం రండి , ఇక్కడే సందేహం కదా ఎవర్నీ కలవాలి జనరల్ ఫిజీషియన్ , అక్కడనుంచి జలుబు కాబట్టి పల్మనాలజిస్టు కి చూపిస్తే బెటర్ , వామ్మో కొంచెం వణుకు కూడా వుంది న్యురాలజిస్ట్ , కాదు కాదు కొంచెం గుండె దడ కూడా కార్డియాలజిస్ట్ అబ్బ ఎంత కన్ఫుజన్ . సరే ఆ రెస్టారెంట్ లో కొంచెం ఏమన్నా తిండి తిని దీని సంగతి చూద్దాం . ఇక రెస్టారెంట్ లో చైనీసు , ఇటాలియన్ , సౌత్ ఇండియన్ , నార్త్ ఇండియన్ ఇంకా ఇంకా . ఇక చాల్లెండి మీకు అర్ధం అయ్యింది కాదా, ప్రస్తుతం మనం ఉంది స్పెషలైజేషన్ యుగం లోనని .

ఇప్పుడు ఈ పైదంతా చదివాక మీకేమి అర్ధం అయ్యింది ? ఏంటి ఏమి అర్ధం కాలేదా ? మరీ అంత మొహమాటం లేకుండా చెప్తే నాకు బాధ వేయదండీ ? సరే ఏమి చేస్తాను నేనే చెబుతా . కాలం తో పాటు గా మన జీవనశైలి లో సంక్లిష్టత పెరిగి దాని కోసం అని మన జీనానికి అవసరమైన పనులన్నీ మనమే చేసుకోలేక రకరకాలు విడగొట్టి పంచుకున్నామన్న మాట అంగీకరిస్తారు కదా ? కాకపొతే ఇక్కడే మనకి కొంచెం పాత , కొత్త పనులు అనేవి ఉన్నాయి . మనకెప్పుడూ పాత ఒక రోత కొత్తొక వింతా కాబట్టి , సాధారణం ఏమి చేస్తాము కొత్త వాటి వెంట పరుగు అందుకుంటాము . అలాగని పరుగు అందుకని ఊరుకుంటామా? లేదు, అబ్బే ఇది లేకపోయినా పర్వాలా , వెనకటి రోజుల్లో మేము లేమా ? ఇదీ మన ఆలోచన , ఇది సహజం !కాకపొతే మనం ఇక్కడ మర్చిపోయే విషయం ఏమిటంటే దీని వల్ల కలిగే సౌకర్యాలు , అలాగే ఇవాళా మనకి అంత అవసరం గా కనిపించని ఇవే అవసరాలు రాబోయే తరాలకు కనీస అవసరాలు గా మారతాయి అని .

ఒక ఉదాహరణ చెబుతా ఎప్పుడో నేను పుట్టక పూర్వం పొలాలలో వరి నూర్పిడి మనుషులు చేసేవారట , కాని ఇప్పుడు నాకైతే ఎక్కడా కనపడలేదు , ప్రతి దగ్గర ట్రాక్టర్ తోనే . ఒకసారి ఊహించండి ఇప్పుడున్న పరిస్తితులలో మనుషులతో అది సాధ్యమా ? ఎన్ని రోజులు చేస్తారు ? ఎంత కూలీ కడతారు ? ఇక ఇప్పటి కాలం లో ఐతే చాలాచోట్ల నాట్లు , కోతలు కూడా మెషిన్ సాయం తోనే . నిజం గా ఒక్కసారి ఊహించండి ఇది మనిషి శ్రమ ని మేధస్సు తో తగ్గించటం కదా ? నా చిన్నపుడు కొన్ని జోక్స్ చదువుతుండే వాళ్ళం ఈ రోజు వర్షం పడుతుంది అని రేడియో లో చెబితే వడియాలు చేయాటానికి రెడీ అవ్వండీ అంటూ . ఇవాళ పరిస్తితులు మారలేదా ఎప్పుడు ఋతుపవనాలు వస్తాయి అనేది లెక్కలు కట్టి మరీ చెబుతున్నారు , అలాగే ఒక వారం ముందే ఈ రోజు వాతావరణ పరిస్తితి ని తెలుసుకోగలుగుతున్నాం దేని వల్ల ఇది సాధ్యం ? ఆ మేధస్సు కి విలువ అక్కరలేదా ?

ఇక మా తాత చిన్నప్పుడు చెబుతుండే వారు ఆయనకి ఏదో గవర్నమెంట్ స్కూల్ లో టీచర్ ఉద్యోగం వస్తే వాళ్ళ నాన్న బస్తా వడ్ల ఖరీదు చేయదు ఆ ఉద్యోగం ఎందుకు అని పంపలేదని . మీలో ఎంత మంది ఇలాంటివి విని ఉంటారో చెప్పండి ? రేపెప్పుడో నేను నా మనవరాల్లలో , మనవళ్ళకో చేబుతానేమో , నన్ను మా అమ్మ నాన్న వ్యవసాయం చేయనీయకుండా ఇదుగో ఈ సాఫ్ట్వేర్ ఇంజనీర్ ని చేసారు అని :) ఇలా చెప్పటం లో నా ఉద్దేశ్యం ఒక్కొక్క కాలం లో ఒక్కొక్క వృత్తికి డిమాండ్ ఉంటుంది , అది రేపు ఏలా అన్న మారొచ్చు అని .దాని ప్రకారమే జనాలు choose చేసుకునే ప్రాధాన్యత క్రమం మారుతుంది అంత మాత్రానా ఈ వృతి మాత్రమే గౌరవనీయమైంది , వేరేది కాదు అనేది ఉండదు . అలాగే ఒక వృత్తి ని చేపట్టే వాళ్ళంతా ఉత్తములూ కాదు , వేరే పనులు చేసే వాళ్ళు కొంచెం తక్కువ కాదు . ఎవరైతే నిబద్దతతో వాళ్ళ వృత్తిని చేస్తారో వాళ్ళే గౌరవనీయులు, వాళ్ళ వల్లే ఆ వృత్తికి గౌరవం లబిస్తుంది .

మీరు మీ జీవితం లో ఒక్క రోజు మీ దినచర్య ని గమనించండి అది సక్రమం గా సాగటానికి ఎంతమంది సేవలు అవసరమో కూడా ఉహించండి . వారిలో ఏ ఒక్కరు సరిగా వాళ్ళ పని చేయక పోయిన ఎంత చిరాకు వేస్తుందో ఆలోచించండి . మనం ప్రస్తుతం గడిపే సామాజికజీవనం లో మనకు అనేక మంది సేవలు అవసరమవుతాయి , అలాగే మన సేవలు వేరే వాళ్లకి అవసరమవుతాయి సో ఒకరి మీద ఒకరు ఆధారపడక తప్పదు, ఈ ఆధారపడటం లో కొంచెం ఎక్కువ , కొంచెం తక్కువ అనే వర్గీకరణ అంత సబబు కాదు అని నా ఉద్దేశ్యం .

పైన నున్న లింకులలో రాసిన బ్లాగరుల అంత చక్కగా నేను రాసి ఉండక పోవచ్చు కాని నేను చెప్పదలుచుకున్న విషయం మాత్రం "ప్రపంచం లో వేరే వాళ్ళకి హాని కలిగించని ఏ వృత్తి ఐనా గౌరవనీయమైనదే నిబద్దతతో పనిచేసే వ్యక్తుల వల్ల ఆ వృత్తికే గౌరవం పెరుగుతుంది !".

వారాంతపు పొలిటీషియన్ గారు ఇది మీ కోసమే !

2010-10-17T08:28:00.000+08:00

వీకెండ్ పోలిటిషీయన్ గారు భలే ! హన్నా ఎంత మాట నా స్తాయి గంగా భవానీ, శోభారాణీ మాత్రమేనా ఇంకొంచెం క్రియేటివిటీ వాడండి సారూ . ఆ అయినా కామెంట్ రాయటానికి కూడా లాజిక్ కాపీ కొట్టే మీరేమి వాడతారు బుర్ర నా వెర్రి గానీ . ఇంతకూ ఆ హక్కుల కోసం పోరాడిన కార్యకర్త గా మీరొక్కరే చరిత్ర లో మిగిలిపోదామనుకున్నారా ఎంత అన్యాయం మీ ముందు నుంచి ఉన్నవాళ్ళ సంగతేమిటి ? మహానుభావా మీకు ఇందంతా తెలవాలంటే కొద్ది గా రెండు సంవత్సరాలు వెనకెళ్ళి బ్లాగులు అన్ని చదవాలి, మరీ షార్ట్కట్ లో లీడర్ అయ్యిపోవాలంటే ఎలా ?
పైన రాసింది చదివి మీకున్న చిన్న బుర్రతో అలోచించి అలిసిపోయి మళ్ళీ వేరే వాళ్ళ లాజిక్ కాపీ కొట్టటానికి బయలుదేరకండి, నా ఉద్దేశ్యం నేను రాసిన కామెంట్ నిజం గానే మీ ఒక్కళ్ళ గురించి మాత్రమే కాదు అని చెప్పటమే . నిజం గానే మీ గురించే రాయాలంటే ఖచ్చితం గా మీ బ్లాగులోనో లేదా మీపేరు ఉదాహరించో రాసేదాన్ని నాకు ఆ ధైర్యం ఉంది మీకు లాగ ఒక పని చేయటానికి వేరే వేషం లో వెళ్ళాల్సిన పని నాకు లేదు.
BTW వేరే పార్టీ కార్యకర్తల సంగతి సరే మీకేంటి పాపం ఒక్క కార్యకర్త దొరకలేదా అన్ని వేషాలు మీరే వేస్తున్నట్లు ఉన్నారు (ఆఖరికి ఆత్మహత్య చేసుకొనే అజ్ఞాత తో సహా) .

మేరా భారత్‌ మహాన్‌

2010-10-15T00:45:00.001+08:00

వహ్వా వహ్వా నాకు నిజం గా ఇవాళ భలే ఆనందం గా ఉంది . కారణం రకరకాల వార్తలు, అనుమానాల తో మొదలైన CWG 2010 ఇంత చక్క గా ముగియటం ఒక కారణమైతే , పతకాల పట్టికలో మన దేశం రెండో స్థానంలో నిలవటం ఇంకో కారణం . అంతేనా ఆద్యంతం మన సంస్క్రతి ని ప్రతిబింబించే కార్యక్రమాలు నిజం గా చాల బాగున్నాయి . ముఖ్యం గా ముగింపు కార్యక్రమంలో బాగం గా స్కూల్ పిల్లలు మన జాతీయ పతాకం రంగులద్దుకొని చేసిన ప్రోగ్రాం నాకు చాల నచ్చింది . నచ్చనివి లేవా అంటే ఉన్నాయి, ఈ కల్మాడీ గారికి కి ఆర్గనైజింగ్ సెక్రటరీ గా వోట్ థాంక్స్ చెప్పాలని తెలుసు కాదా, ఆ రాసినదేవరో చక్కగా రాసారు ఎవరిని మర్చిపోకుండా ఈయన కొద్దిగా ముందే ఒకటి సార్లు ప్రిప్రేర్ అయ్యి కొద్ది గా అందం గా చదవచ్చు కదా అబ్బే , ఈయన ముందేమి స్కాములు చేసాడో వాటికి ఆధారాలు ఉన్నాయో లేవో నాకు తెలవదు కాని వీలయితే ఈ చదివిన తీరుకి పనిష్మెంట్ ఉండాలి.
ఈ CWG 2010 మొదటి నుంచి చివర దాక చూసిన తరవాత నాకో అనుమానం వచ్చింది నాతో పాటు గా మనలో చాల మంది కి సెగ తగిలితే కాని పని చేయని లక్షణం ఉన్నట్లుంది అంటే డెడ్ లైన్ కి దగ్గర గా వస్తే కాని పని చేయాలన్న మూడ్ రాదనుకుంటా :) ,
ఈ ఆటలలో విజేతలైన , పాలుపంచుకున్న క్రీడాకారులందరికీ నా అభినందనలు , మన హైదరాబాదీలైన సైనా , గగన్ నారంగ్ లకి కొంచెం ప్రత్యేక అభినందనలు ! అలాగే ఈ కార్యకమాలన్ని ఇంత విజవంతం చేసి అంతర్జాతీయ ప్రపంచానికి మన క్రీడా నిర్వాహణ సామర్దాన్ని చాటటానికి కష్టపడ్డ ప్రతి ఒక్కరికి కృతజ్ఞతలు !
నేను ఈ పోస్టు రాసే సమయానికి మన ఇండియన్ ఐడొల్ శ్రీరామచంద్ర పాడుతున్నాడు :)

జై సమైక్యాంధ్ర !

2009-12-14T20:27:00.000+08:00

రాష్ట్రం లో విభజన చిచ్చు పెట్టి తమాషా చూస్తున్న కెసిఆర్ గారికి నా అభినందనలు . మా స్టేట్ ఆంధ్రప్రదేశ్ మేముండేది హైదరాబాద్ అని చెప్పుకోవాంటే సిగ్గు పడే స్థితి కి ఈ రాష్ట్రాన్ని తీసుకొచ్చినందుకు మీకు వేల వేల ధన్యవాదాలు . సంస్కృతి, చరిత్ర అని ఒకటేమైన ఆరాటపడే వేర్పాటు వాదులార ఎవరికి లేదు సంస్కృతి, చరిత్ర ? ఇప్పుడు మీతో పాటు జీవిస్తున్న ప్రతి వారికి మీకు ఎన్ని యేండ్ల చరిత్ర వాళ్లకు అన్ని యేండ్ల చరిత్ర ఉంది. 50 ఏళ్ల కిత్రం ఎప్పుడు కావాలనే అప్పుడు విడిపోవచ్చని రాసుకున్న జెంటిల్ మాన్ డాక్యుమెంట్లు చూపిస్తున్న మీరు మరి ఇంకో 1౦ ఏండ్ల కిత్రం నిజాం పాలించాడట మరి వాళ్ళ వారసులు వస్తే ఈ తెలంగాణా వదులుకొని వాళ్ళ కింద్ర బతకటానికి సిద్దమేనా ? ఆంధ్ర వాళ్ళంతా మిమ్మల్ని దోచుకుంటున్నరన్న సత్యం మీకు ప్రత్యేక ఆంధ్ర ఉద్యమం చేసినప్పుడు తెలియలేదా లేకపోతె పంట ఇంకా కోతకి రాలేదని చప్పుడు చేయకుండా నిద్రలు పోయారా ?

ఈ రాష్ట్రము ఇప్పుడు విడిపోవచ్చు లేదా కలిసి ఉండచ్చు కాని మీరు నాటిన విషబీజాలు మాత్రం వృక్షాలు మారి ఈ రాష్ట్రాన్ని ఒక వంద ఏళ్ళు వెనకకు తీసుకెళతాయి అన్న విషయం లో మాత్రం ఎటువంటి సందేహం లేదు . మీ కుట్ర ఫలిచినందుకు మీరు ఇప్పుడు సంతోషం గా ఉన్న మీరుఈ రోజు అరచేతి లో చూపిస్తున్న స్వర్గం కనపడనప్పుడు ఇదే జనాలు మిమ్మల్ని తరిమి తరిమి కొడుతున్నప్పుడు మీ సహచరులు చెప్పే "కవితా న్యాయానికి " అసలైన అర్ధం అని తెలుసుకుంటారు .

2009-11-28T17:13:00.000+08:00

గుర్తుందా మీకు ఒక సంవత్సరం క్రితం (26th Nov.2008) మతమౌడ్యంతో ఒళ్ళు తెలియని ముష్కరమూక సృష్టించిన విధ్యంసం! ఈ ఘటన తరవాత మనం నేరుచుకున్న పాఠాలు?సమాధానం శూన్యం. అఫ్జల్ గురు ను విడుదల చేయకపోతే, కాశ్మీరులో హింసాకాండ చెలరేగుతుందని భయపెట్టే గులాంనబీ అజాద్ లాంటి ముఖ్యమంత్రులు, రిపబ్లిక్ డే వేడుకలను బహిష్కరించమనే షాబుద్దీన్ లు, వందేమాతరాన్ని పాడము అని తేల్చి చెప్పే ఉలేమాలు ఉన్న ఈ దేశం లో ఇంత ఇంత కన్నా ఆశించటం దురాశే .మనది మేధావుల దేశం కదా అందుకని కసబ్ ని యాక్షన్ లో పట్టుకున్నా లా ప్రకారం విచారిస్తారు ఇది ప్రపంచదేశాలలో మన పరువు ప్రతిష్టలను పెంచుతుంది దీనికి మనం చేసే ఖర్చు రోజుకి సగటున 8.75 లక్షలట, ఇది వింటే నాకైతే ఈ కసబ్ గాడు ఎందుకు ప్రాణాలతో దొరికాడురా బాబు అనిపిస్తుంది. అసలు ఇంత దారుణానికి ఒడిగట్టిన ఇతడిని మనం మనిషి గా ట్రీట్ చేయాలా అనేది నాకు సమాధానం దొరకని ప్రశ్న.

దేశరక్షణ కన్నా ఓటు బ్యాంకు రాజకీయాలకు విలువ నిచ్చే రాజకీయనాయకులు , తన మాతృదేశం కన్నా మతానికి విలువనిచ్చే మతమౌడ్యులు, మైనారిటీల హక్కులు కాపాడటమే దేయ్యం గా పనిచేసే కుహనా మానవతావాదులు ఉన్నంత కాలం ఈ తరహా దాడులు మనం ఎదుర్కొనక తప్పదు.

And lastly, my heartfelt condolences to all those who may have lost a loved one in these attacks.
Encounter Specialist Vijay Salaskar and ATS Chief Hemant Karkare, ACP Ashok Kamate, Additional Commissioner Ashok , Major Sandeep Unni Kirshnan and other officers who lost their lives – We salute you to have given a brave service to the country.

నేను, నా మల్టీ టాస్కింగ్

2009-10-18T13:32:00.000+08:00

మల్టీ టాస్కింగ్ అన్న టైటిల్ చూసి నేనోదో "టెక్నికల్ విషయాలు " వ్రాస్తున్న అనుకున్నారా అబ్బేలేదండి అప్పుడే అంత రిస్క్ తీసుకోదల్చుకోలేదు. ఈ మల్టీ టాస్కింగ్ నేను వారాంతం లో దిగ్విజయం గా చేసిన పనుల గురించే.

సరే అసలు విషయానికి వస్తే ఆదివారం రోజు సాంబార్ తినాలని కోరిక పుట్టింది (అసలు సాంబార్ కి పప్పు చారు కి తేడా ఏమిటో? ) . ఆదివారం "పొద్దున్నే" 9.౩౦ కి లేచి యధా ప్రకారం ఇంటి కి ఫోన్ చేసి ఒక గంట సేపు మాట్లాడాక కార్యరంగం లోకి దూకాను. పొయ్యి మీద సాంబారు కోసం చింతపండు రసం లో నానా రకాల ముక్కలు వేసి ఉడకపెడుతున్నాను , లాపిలో అన్నమయ్య , రామదాసు పాటలు వింటున్నాను. ఇక నాలో మల్టీ టాస్కింగ్ కళ నిద్రలేచి నన్ను ఉక్కిరి బిక్కిరి చేస్తుంటే ఇస్త్రీ చేద్దామని డిసైడ్ అయ్యాను. సరే ఒక డ్రెస్ దిగ్విజయం గా చేశాను, రెండవ డ్రెస్ చున్నీ చేస్తుంటే అన్నమయ్య పాటల మద్య ఏదో హిస్సు హిస్సు మన్న సౌండ్ వస్తూంది, ఇదేమిటా అని చూస్తే పొయ్యి మీ పప్పుచారు నన్ను పట్టించుకోవా అని అలిగి పొంగి పోతున్నది అని అర్ధం అయ్యింది , అయ్యో అని పప్పుచారు ని సముదాయించే లోపు ఐరన్ బాక్స్ కి కోపం వచ్చి చున్నీ ని కాల్చేసింది, ఇక ఇట్లా లాభం లేదు మనికి , మల్టీ టాస్కింగ్ కంపాటబిలిటీ లేదు అని 2020 వ సారి అర్ధం చేసుకోని, ఒక దాని తరవాత ఒకటి గా నా పప్పుచారు వండటం , ఇస్త్రీ చేయటం అనే టాస్క్ లు పూర్తిచేసాను.

మొత్తానికి ఈ ఆదివారం నా పనులు పూర్తి చేసిన తరవాత మల్టీ టాస్కింగ్ ఇన్ హుమన్స్ గురించి గూగుల్ చేస్తే ఈ కింది విషయాలు ఆసక్తికరం గా అనిపించాయి.

1. మగవారికన్నాఆడవారిలో మల్టీ టాస్కింగ్ చేయగల సామర్ద్యం ఎక్కువట, ఇది ఒప్పుకొని వారు ఇక్కడ చూడండి. ఐనా ఈ లింక్ చూడాలా ఒక్క సారి మీ ఇళ్ళల్లో పొద్దున్నే సందడి గుర్తు చేసుకోండి మరీ ముఖ్యం గా స్కూల్ కి వెళ్ళే పిల్లలు ఉన్నాఇళ్ళలో ఐతే ఆడవారిలో మల్టీ టాస్కింగ్ సామర్ద్యం మన కళ్ళకు కట్టినట్టు కనపడుతుంది.

2. మల్టీ టాస్కింగ్ వల్ల నష్టాలు కూడా ఉన్నాయట .

3.మల్టీ టాస్కింగ్ వల్ల ఎంతచక్కగా షెడ్యూల్ ప్లాన్ చేసుకోవచ్చో ఇక్కడ చూడండి. కాని ఇది అన్ని సమయాల్లో ను అందరి కి కుదరకపోవచ్చు. మనకు లీస్ట్ ప్రయారిటీ అనిపించినవి మన బాస్ కు టాప్ ప్రయారిటీ అలాంటప్పుడు ఈ షెడ్యూల్ ప్లాన్ చేస్తే కొంప కొల్లేరు అవుతుంది. కాని కొన్ని మాత్రం చాల నాచ్చాయి నాకు.

ఏదేమయినా ఈ రోజుల్లో ఉద్యోగం సంపాదించాలన్న అందులో సక్సెస్ కావాలన్న కొద్దో గొప్పో ఖచ్చితం గా మల్టీ టాస్కింగ్ అనేది అవసరం, కాబట్టి చేసే పనులు కష్టంగా కాకుండా ఇష్టం గా చేయటం మొదలు పెడితే విజయం మనదే.

If you want to get more done, be mindful.If you want to have more time, be mindful.

స్వాతంత్ర్య దినోత్సవ శుభాకాంక్షలు

2009-08-12T21:57:00.000+08:00

"బ్రిటీష్ దాస్య శృంఖలాలు తెంచుకుని స్వాతంత్ర్య స్వేఛ్చా గాలులు పీలుస్తున్న నవీన

భారతావని ముద్దుబిడ్డలైన భారతీయులందరికీ అందరికి 63 వ స్వాతంత్ర్య దినోత్సవ శుభాకాంక్షలు !"

ఎందరో మహానుభావుల కలల పంట, మరెందరో అమరవీరుల త్యాగఫలం ఈనాడు మనం అనుభవిస్తున్న ఈ స్వతంత్ర ఫలం. ఆ వీరుల త్యాగఫలం వృధా కాకుండా మన జాతి గౌరవాన్ని కాపాడటం మనందరి బాధ్యత. ఈ సందర్భంగా ఆనాటి నుండి ఈనాటి వరకు మన దేశరక్షణ కు, అబివృద్ది కి పాటుపడిన మహానీయులందరికి నా నమస్కారాలు.

జై హింద్ !

నాకు లక్కుందా?

2009-07-26T11:54:00.000+08:00

ఈ పోస్టు నా లక్కు గురించండి ! ఈ వాక్యం వ్రాసా కాదా అని మనకేదో కేజిల కేజీల లక్కు ఉంది మీరు అనుకుంటే మీరు అసలే రేట్ పెరిగిందని జనాలు మొత్తుకుంటున్నారే ఆ కందిపప్పు ఉడకపెట్టిచేసే ముద్దపప్పు లో కాలు పేసినట్టే. నాకు లక్కు కు ఎంత దూరమంటే నాకు నేను లక్కుతో మనకు సంభంధం ఏమిటి తొక్కలో లక్కు చేతగాని వాళ్లకి కాని మనలాంటి experts కి అవసరం లేదు అని ఓదార్చుకొనే అంత :).

సరే అసలు విషయం వదిలి ఏదో చెబుతున్నా విషయం ఏమిటంటే ఒక రెండు నెలల క్రితం నా EZ link కార్డు (అంటే సింగపూర్ లో పబ్లిక్ transport కి వాడే prepaid టికెట్) , ఎక్సేంజ్ చేస్తుంటే ఒక లక్కీ కూపన్ ఇచ్చారు అది పూర్తి చేసి డ్రాప్ చేసాను. ఒక నెల తరవాత ఒక లెటర్ వచ్చింది మీ NRIC No డ్రా లో వచ్చింది ౩౦$ గిఫ్ట్ వోచరు గెలుచుకున్నారు అని. అడ్రస్ అనుమానం గా ఒకసారి చెక్ చెసుకున్నా నాదే. రెండు వారాలు గడిచాయి ఒక శనివారం ఏమి చేయాలా అని ఆలోచిస్తుంటే ఈ వోచరు సంగతి గుర్తు వచ్చింది.

సరే ఈ పని ఫినిష్ చేద్దామని బయల్దేరా తిన్న గా వెళ్లి వోచర్ తీసుకున్నా, ఇక ఆలాగే తిరిగి ఇంటికి వస్తే నేనేందుకవుతాను. మళ్లీ తిరిగి ట్రైన్ లో ఇంటికి వెళ్ళటానికి బోర్, సరే బస్సు స్టాప్ కి వెళ్లి నుంచుంటే 136 నెంబర్ బస్సు (తరవాత గుర్తుకు వచ్చిన విషయం రోజు నేను చూసేది 139 అని )కనపడింది ఇదేదో మన ఏరియా లో రోజు కనపడే నెంబర్ అనిపించి ఎక్కి కూర్చున్న, ఇక ఆ బస్సు లో కూర్చున్న 1 గంట తరవాత నాకర్దమైన విషయం నేను వెళ్ళవలసింది గ్రీన్ లైన్ బస్సు తిరిగేది రెడ్ లైన్ సరే నాకు నచ్చిన ఒక బస్సు స్టాప్ చూసుకొని దిగేసాను, బస్సు స్టాప్ వెనకాల ఒక షాపింగ్ మాల్ కనిపించిది సరే ఏమైనా తాగుదాం అని వెళ్లి ఒక వాటర్ బాటిల్ తీసుకొని, 20 $ పెట్టి ఒక టాప్ కొన్నా. తిరిగి బస్సు స్టాప్ కి వచ్చి బస్సు కోసం వెయిట్ చేయాలంటే బద్ధకం వేసి కాబ్ లో ఇంటికి వచ్చా 17 $ ఖతమ్. ౩౦ $ కోసం నేను ఖర్చుచేసింది 40 $. ఇంకొక కొసమెరుపు ఏమిటంటే ఆ టాప్ ట్రై చేసిన తరవాత నాకు తెలిసిన నిజం 20 $ బుట్ట దాఖలా అని :(

ఇప్పుడు నేనమనుకోవాలి నాకు లక్కు ఉందా లేదా ?

స్నేహమంటే ....

2009-07-24T23:32:00.000+08:00

నిజం గా స్నేహం అంత గొప్పదా ? అసలు స్నేహం అంటే ఏమిటి అని నేను నా చిన్నప్పటి నుంచి అర్థం చేసుకోవటానికి ప్రయతిస్తున్నా కాని అది ఒక అర్థం గాని సమీకరణం గానే మిగిలింది. ఎవరినన్నా అడుగుదామంటే అది కూడా తెలియదా అని ఎగతాళి చేస్తారేమో అని భయం పోనీ బాగా తెలిసిన వారిని అడుగుదామా మేము నీ స్నేహితులం కాదా అని బాధ పడతారేమో అని అనుమానం . మరి నా సమస్య తీరేదెలా అందుకే ఇక్కడ వ్రాస్తే నా అనుమానం తీరుస్తారేమో అని ఆశ.

నాకు తెలిసి నేను చదివిన పుస్తకాలు, చూసిన సినిమా ఆధారం గా నేను అర్థం చేస్తుకొన్నది స్నేహం అంటే ఒకరి కి ఒకరు తోడూ గా ఉండటం, సహాయం అవసరం ఐతే నేనున్నాని స్పందించటం.

కాని నాకు నా స్వానుభవం లో అర్ధమయింది మాత్రం తెలివి కలవాడు (ఇక్కడ తెలివి కలవాడు అంటే బ్రతకనేర్చిన తెలివి) ఎప్పుడు తన అవసరం తీరేవరకు లేదా అవతలివాడు తనకు ఉపయోగం ఉన్నంతవరకు మాత్రమే ఈ స్నేహమనే నాటకం ఆడతాడు ఆ అవసరం తీరిన తరువాత తన విశ్వరూపం చూపిస్తాడు / చూపిస్తుంది . ఈ రకం మనుషులు ని గుర్తించడానికి ఏమైనా టెక్నిక్స్ ఉంటే కొద్దిగా చెప్పి పుణ్యం కట్టుకోండి దయచేసి .ఇక నా స్వానుభావానికి వస్తే ఇండియా లో ఉన్నప్పుడు ఎప్పుడు ఇలాంటివి ఎదురు కాలేదు కాని ఈ సింగపూరు మాత్రం నాకు ఈ విషయం గట్టి పాఠాలు నేర్పింది. ఇక్కడ నా అనుభవాలను పంచుకోవటం లో ఎవరిని కించపరిచే ఉద్దేశ్యం లేదు , ఎవరికయినా నాలాంటి పరిస్థితులు ఎదురయితే జాగ్రత పడతారనే అని తప్ప !

My First Post

2009-07-11T12:32:00.000+08:00

Hi Friends........

నేను ఈ బ్లాగు క్రియెట్ చేసి 6 నెలలు అయినా ఇంత వరకు ఒక్క టపా కూడ వ్రాయలేదంటే నా బద్దకం గురించి మళ్ళీ చెప్పాల్సిన పని లేదు కదా?(ఈ టపా కి సంబంధం లేకుండా ఒక చిత్రం పెట్టటానికి కూడ అదే కారణం అని తెలిసి పోయిందా కొంపతీసి :()
సరే ఎదో గుగూల్ పుణ్యమా అని నేను ఒక బ్ల్గాగు మెదలు పెట్టా కాని వ్రాయాలంటే బుర్రలో గుజ్జుండాలి కదా అది మనకు నిల్. ఇంత వరకు చేతికి దొరికిన కాగితం వదలకుండా చదివి అది బాగలేదు ఇది బాగలేదు అని వంక పెట్టే నాకు ఇప్పుడు అర్థం అవుతుంది వ్రాయటం ఎంత కష్టమో ! సరే నా కష్టం గురించి సోది మీకెందులేండి గాని మరీ చదువరి, తెలుగోడు, జీడిపప్పు గారి అంత స్థాయి లో కాకపోయిన కొంచం నా వ్రాత కళానైపుణ్యం పెంపొందించుకొందామని ఈ నా ప్రయత్నం.