Subscribe:

Thursday, March 29, 2012

Cloud Computing - I

హ్మ్ ! ఎప్పుడు చూసినా  పేరేమో  టెక్నికల్ , పోస్టేమో నాన్ టెక్నికల్  ఈ సారి ఏమి   రాసి పూడ్చిందో  అని కంగారు పడుతున్నారు  కదా ?  నో  ఈ సారి  పద్దతి మార్చా   పేరు  టెక్నికల్  ఇంకా  పోస్ట్ కూడా   టెక్నికల్  అన్న మాట :)

ఇక మీకు అర్ధం  అయ్యింది కదా  మనం ఇప్పుడు   cloud  computing   గురించి మాట్లాడుకుందాం .

క్లౌడ్  కంప్యూటింగ్  అంటే  ఏదైనా  కంప్యూటింగ్  సేవలను  ఇంటర్నెట్  ద్వారా  వాడుకోవటం . ఉదాహరణ కు  మన బ్లాగు నే  తీసుకోండి, మీరు  రాసేవి  కానీ చదివేవి కానీ మీ  సిస్టం లో  ఉండనవసరం  లేదు కదా ? అలాగే  మీ కంపెనీకి  కావలసిన  పే రోల్  సాఫ్ట్వేర్  కావొచ్చు  లేదా  మీ  కంపెనీ  డాటా మొత్తాన్ని   జాగ్రత్త  పరిచే  సర్వీసు  కావొచ్చు  ఇలాంటి వన్నీ  ఇంటర్నెట్  ద్వారా  పొందటాన్ని  క్లౌడ్  కంప్యూటింగ్  అని  అంటారు  .

అసలు  ఈ  క్లౌడ్  కంప్యూటింగ్  అనేది    Old Wine in New Bottle అని కొంతమంది అభిప్రాయం  .  అలా  ఎందుకూ  అంటే   ఈ కాన్సెప్ట్   traditional  web హోస్టింగ్  సర్వీసెస్ కి  చాలా  దగ్గర గా   ఉంటుంది  .  కానీ  ఇక్కడ  ఉన్న  అదనపు  advantage  ఏమిటంటే   ఎప్పుడైతే  అదనపు  resources   అవసరం అయితే అప్పుడు  అదే  స్కేల్ లో  పెంచుకుంటూ  పోవటం  ,  అలాగే  అవసరం లేనప్పుడు తగ్గించుకుంటూ  పోవటం అనే   ఫ్లెక్షిబిలిటీ  ఉంటుంది . 

ఈ క్రింది  బొమ్మలో  ఉన్న  అంశాలు  క్లౌడ్ కంప్యూటింగ్ లో  ఉండవలసిన  ప్రధానమైన  లక్షణాలు :

 అసలు  క్లౌడ్  అనే  పేరు ఎలా  వచ్చింది  అనేది ఈ పాటికి  మీరు ఆలోచిస్తూ  ఉంది ఉంటారు కదా ?  కరెక్టు  దీనికి  ఒక  కారణం  ఉంది . అది   సాధారణం  గా  ఫ్లో  చార్ట్స్  గీసేటప్పుడు  ఇంటర్నెట్  ని   రెప్రజేంట్ చేయటానికి  క్లౌడ్  సింబల్ ని  వాడతారు కదా  ,   ఆ ఇన్స్పిరేషన్  తో  ఈ పేరు పెట్టారన్న  మాట .

క్లౌడ్ కంప్యూటింగ్ తో  ప్రోవైడ్ చేసే సర్వీసెస్ ని మూడు  రకాలు గా   చెప్పొచ్చు  అవి :

1. Infrastructure as a Service (IaaS)

 ఈ సర్వీసు  ని కొన్ని సార్లు  Hardware as a Service (HaaS) అని  కూడా  చెప్తారు .   ఈ సర్వీసెస్ లో ప్రధానం గా infrastructure   అంటే     సర్వర్స్ ,  storage equipment  ,   నెట్వర్క్  components  లాంటివి  అవుట్ సోర్సు  చేస్తారు .    ఈ సర్వీసెస్ సాధారణం గా  పే పర్ యూజ్  మోడల్  లో బిల్ చేయబడతాయి . అంటే  మీకు  అవసరం అయినప్పుడు  వాడుకొని  ఆ వాడుకున్న  సమయానికి  మాత్రమే   డబ్బు కడతారన్న మాట . 

2. Platform as a Service (PaaS) 


ఈ మోడల్  సర్వీసెస్ లో development  కి ఉపయోగపడే    software,  ప్రోడక్ట్ టూల్స్    లాంటివి  అందుబాటులో  ఉంటాయి .  డెవలపర్స్  ఈ  సర్వీసెస్  సహాయం తో  ఉదాహరణ కి  గూగుల్ apps  లాంటి  అప్లికేషన్స్  క్రియేట్  చేయొచ్చు .   ప్రస్తుతానికి  మాత్రం ఈ  సర్వీసెస్  ఇంకా   అంత గా  వాడకం లోకి  రాలేదు . దీనికి  ముఖ్యం గా  పోర్టబిలిటీ,    clients   క్రియేట్  చేసిన apps  move  off  చేయనివ్వక పోవటం   వంటివి  కొన్ని కారణాలు . 


3. Software as a Service (SaaS)


క్లౌడ్  కంప్యూటింగ్ లో  అత్యంత  ప్రాధ్యానత  గల  సర్వీసు  గా దీన్ని చెప్పొచ్చు .   గూగుల్ , మైక్రోసాఫ్ట్  వంటి కంపెనీలు  ప్రోవైడ్ చేసే  వెబ్ బేసేడ్   ఈమెయిలు  సర్వీసు  ఈ కాటగిరి లోకే వస్తుంది .  అంతే కాకుండా    HR ,  Payroll ,  ఫైనాన్సు సాఫ్ట్వేర్ సర్వీసెస్   ని  నచ్చిన వెండార్ నుంచి  కొనుక్కోవచ్చు .   ఈ softwares maintenance కి ఎటువంటి  ప్రత్యేకమైన  IT  ఉద్యోగుల  నియామాకాలు  అవసరం ఉండవు .

సరే   క్లౌడ్  కంప్యూటింగ్  అందించే  సేవలు  గురించి  తెలుసుకున్నాం  కదా ఇప్పుడు  అసలు  ఈ క్లౌడ్ కంప్యూటింగ్  లో ఉన్న  రకాలు గురించి  తెలుసుకుందాం .  అవి :

1. పబ్లిక్  క్లౌడ్

పబ్లిక్  క్లౌడ్ లో  ప్రొవైడర్  తన  సేవలని , ఇంటర్నెట్  ఉన్న   ఏ  వాడకదారు  (User)   కైనా  అందించే  సౌలభ్యం ఉంటుంది .  ఈ మోడల్  ని  స్టాండర్డ్  క్లౌడ్ కంప్యూటింగ్  అని కూడా అంటారు .  ఈ మోడల్ లో  సాధారణం  గా ప్రొవైడర్స్  ఇంటర్నెట్ లో  access చేయగలిగిన  అప్లికేషన్స్  కి స్టోరేజ్  సర్వీసు  ని  ప్రోవైడ్ చేస్తారు .

Elastic Compute Cloud (EC2), IBM's Blue Cloud, Sun Cloud, Google AppEngine and Windows Azure Services Platform    వంటిని  పబ్లిక్  క్లౌడ్స్  ఉదాహరణ గా చెప్పొచ్చు .


2. ప్రైవేటు క్లౌడ్

ప్రైవేటు క్లౌడ్  అంటే మనకు  పేరు తోనే  అర్ధం అవుతుంది కదా కేవలం  కొద్ది మంది  లిమిటెడ్  users  కి  మాత్రమే అందించే సౌలభ్యం ఉంటుంది .  ఈ ప్రైవేటు క్లౌడ్  ప్రధాన ఉద్దేశ్యం    organizations కి  తమ డేటా పైన పూర్తి    కంట్రోల్  కలిగి ఉండటం .

3. హైబ్రిడ్ క్లౌడ్

 హైబ్రిడ్ క్లౌడ్  అనేది  కనీసం ఒక  పబ్లిక్ క్లౌడ్ , అలాగే కనీసం  ఒక  ప్రైవేటు క్లౌడ్ ల  కంపోజిషన్ తో ఏర్పడుతుంది .
ఈ మూడు రకాల  ఆర్కిటెక్చర్  లో  హైబ్రిడ్  క్లౌడ్  ఐడియల్  మోడల్  గా చెప్పొచ్చు .  ఈ మోడల్ లో  పబ్లిక్  క్లౌడ్   లో  పరిమిత వనరులతో  అవసరమైనప్పుడు  స్కేలబిలిటీ  పెంచుకునే అవకాశం ఉంటుంది అలాగే vulnarable డేటా , లేదా అప్లికేషన్స్ కి సెక్యూరిటీ ఎక్కువ ఉంటుంది .


ఇప్పటికే  మీ తలలు  పట్టుకు  ఎటో చూస్తున్నారు అని  నాకు అర్ధం  అయ్యింది,   సో ఇది ఇక్కడితో ఆపేసి  వేరే భాగం లో క్లౌడ్  కంప్యూటింగ్  వలన   IT  కంపెనీల , ఉద్యోగుల    రోల్  ఎలా  మారబోతుంది . అలాగే  దీని వలన   ఉపయోగాలు  చూద్ద్దాం , అర్జెంటు గా ఇప్పుడైతే వెళ్లి ఒక కప్పు కాఫీ తాగేయండి      :)))