Subscribe:

Saturday, November 3, 2012

Steve Jobs(1955-2011) - 4/6


I’ll always stay connected with Apple. I hope that throughout my life I’ll sort of have the thread of my life and the thread of Apple weave in and out of each other, like a tapestry. There may be a few years when I’m not there, but I’ll always come back.
- Steve Jobs in 1985 (Source)
స్టీవ్ జాబ్స్ 1997 సెప్టెంబర్ లో తిరిగి ఆపిల్ iCEO గా కుపర్టినో  కి తిరిగి ఎలా వచ్చాడో  తెలుసుకోవాలి అంటే అసలు స్టీవ్,  ఆపిల్ ని వదిలి వెళ్ళాక అక్కడ ఏమి జరిగింది అనేది మనకి తెలియాలి కదా ? అందుకే అసలు ఏమి జరిగింది అనేది  ఒక్కసారి  చూద్దాం. 1985  సెప్టెంబర్  లో స్టీవ్ జాబ్స్ ఆపిల్ ని వదిలేశాక  John Sculley ఆపిల్ ని లాభాల బాట పట్టించటానికి చేపట్టిన  చర్యలలో  కొన్ని ముఖ్యమైనవి  ఇవి.   
  •  ఆపిల్ మాక్ ని  Laser Writer తో integrate   చేయటం  
  •  మాక్ స్పెసిఫిక్   Mac Publisher , Aldus PageMaker   DTP   softwares  రూపొందించటం.
  •  128  KB  మాక్ ని 512 KB  కి  upgrade  చేయటం.
  •  1986 జనవరి  విడుదల చేసిన  1 MB మాక్ ప్లస్ . 
దీనితో కొద్ది కాలం ఆపిల్ లాభాల బాటలోనే  నడిచింది.  నిజానికి  1986 నుంచి 1995 మధ్య కాలం లో GUI  ఇంకా  DTP టెక్నాలజీ  రంగాలలో ఆపిల్  తన మొనోపలీ ని  నిలబెట్టుకుంది.  

కానీ 1990  లో విండోస్ 3.0  ని  విడుదల చేసిన  మైక్రోసాఫ్ట్  ఆపిల్ కి గట్టి పోటీ ని ఇచ్చి ఆపిల్  డౌన్ ఫాల్ కి  తెరతీస్తే,  ఇక  1995 లో మైక్రోసాఫ్ట్ విడుదల చేసిన  విండోస్ 95 విజయం ఆపిల్ ని కోలుకోలేని దెబ్బ తీసింది.   1994 లో  సుప్రీమ్ కోర్ట్ లో ఆపిల్ , మైక్రోసాఫ్ట్ కి వ్యతిరేకం గా  వేసిన sue  లో ఓడిపోవటంతో, GUI  సాఫ్ట్వేర్  డెవలప్మెంట్ లో  మైక్రోసాఫ్ట్ ని అడ్డుకునే అవకాశంని కోల్పోయింది . ఇక  సాఫ్ట్వేర్ జైంట్ గా ఎదిగిన మైక్రోసాఫ్ట్  విడుదల చేసిన  విండోస్95   అతి తక్కువ ధర కి  మార్కెట్ లో  దొరికే ప్రతి PC   తోనూ   DTP  సదుపాయాన్ని  వాడుకొనే  అవకాశం  కల్పించటం తో  మార్కెట్ లో   మాక్ సేల్స్  పడిపోవటం తో మొదలైన   ఆపిల్ పతనం, దాని తరవాత  Newton,  Performa, Power  macintosh , Power  book  లాంటి  అనేక  ప్రాజెక్ట్స్  ని  సకాలం లో  పూర్తి    చేయలేకపోవటం తో   మరింత  దిగజారింది . 1993  లో ఆపిల్ పగ్గాలు పట్టుకున్న   Michael  Spindler, కానీ  1996 లో  Gil Amelio   కానీ  ఈ పరిస్తితుల్ని ఏ  మాత్రం  సరిద్దిద్దలేకపోయారు.  ఇదే  సమయం లో మాక్   OS  తయారు చేసే  ఉద్దేశ్యం  తో  మొదలైన  ఆపిల్  ఇంటర్నల్  ప్రాజెక్ట్   అయిన  "Copland"  ఫెయిల్ అయ్యింది. దీనితో  BeOS , లేదా  NextStep  లను  కానీ  మాక్  OS   కోసం  కొనుగోలు  చేయాలి  అన్న  ఆలోచనతో  ఉన్న ఆపిల్ మానేజెమెంట్  అనూహ్యం గా  NextStep  వైపు  మొగ్గడం తో  స్టీవ్ జాబ్స్  తిరిగి  యాపిల్  కి  రావటానికి దారి సుగమం  అయ్యింది .  (ఈ Nextstep  తరవాత కాలం లో Mac  OS   గా రూపుదిద్దుకుంది ). 


1997   ఫిబ్రవరి లో ఆపిల్ 429  మిలియన్  డాలర్ల కి Next  కంపెనీ ని  కొన్నది.  ఈ డీల్ లోభాగం గా  స్టీవ్ జాబ్స్  కి 1.5 మిలియన్  డాలర్ల  ఆపిల్  షేర్స్  allot  అవ్వడం తో పాటు గా అప్పటి CEO, Gil Amelio కి అడ్వైజర్ గా నియమించబడ్డాడు.  1997 మొదటి  క్వార్టర్ లో వచ్చిన నష్టం 700 మిలియన్  డాలర్లు గా అంచనా  వేసిన   ఆపిల్  మానేజ్మెంట్ , 1996 నుంచి 1997  వరకు Gil Amelio  ఆధ్వర్యం లో  మొత్తం నష్టం 1 బిలియన్ డాలర్లు గా   గుర్తించింది.  దానితో  పాటు  ఆపిల్ ని  ఈ  పరిస్తితుల నుంచి  రక్షించటానికి  GIl  Amelio   చేపట్టిన  కాస్ట్ కటింగ్   వంటి చర్యలు ఏ మాత్రం సానుకూల ఫలితాలని  ఇవ్వక పోవడం తో అదే  సంవత్సరం  (1997) సెప్టెంబర్ లో Gil  Amelio  ని  CEO  గా తొలిగించి స్టీవ్ జాబ్స్ ని ఇంటరిమ్ CEO  గా నియమించాలి  అన్న నిర్ణయానికి   వచ్చారు.     

ఇలా సరిగ్గా 13  సంవత్సరాల తరవాత రెండో సారి స్టీవ్ జాబ్స్ ఆపిల్ పగ్గాలు చేపట్టేనాటికి bankruptcy ప్రకటించటానికి  కేవలం 90 రోజుల దూరం లో ఉన్న ఆపిల్ కంప్యూటర్స్  కంపెనీ  విలువ   4 బిలియన్  డాలర్లు (2012 లో  apple   విలువ సుమారు  600  బిలియన్ డాలర్లు ) .  ఇలాంటి   పరిస్తితులలో  iCEO గా  బాధ్యతలు   చేపట్టిన స్టీవ్  జాబ్స్ ఆపిల్  పరిస్తితిని  సరిదిద్దటానికి   తనదైన  పద్దతి లో పని చేయటం ప్రారంభించాడు,  అన్నిటి కన్నా  ముందు గా  తన జీతాన్ని  ఒక్క   డాలర్  గా  నిర్ణయించుకున్నాడు .   2011 లో రిజైన్ చేసే వరకూ కూడా  ఇదే కొనసాగింది. 

ఆపిల్  మార్కెట్ లో కోల్పోయిన  ప్రతిష్టని, నమ్మకాన్ని  తిరిగి gain  చేసే ప్రయత్నం లో  భాగంగా  1997 సెప్టెంబర్   28 న  "Think  Different " అన్న  TV కమర్షియల్  కాంపైన్  తో  తన  పనిని మొదలు పెట్టాడు. ఈ కాంపైన్  అంచనాలకి  మించి విజయం  సాధించి  తరవాత కాలం లో  "Think  Different " అనేది   ఆపిల్  స్లోగన్ గా నిలిచిపోయింది.   ఆ   కమర్షియల్ కి  సంబంధించిన    వీడియో ఇక్కడ  చూడొచ్చు.  (దీని ప్రభావం  తో pro mac సేల్స్  ఊపందుకుని  1997 చివరి క్వార్టర్ లో ఆపిల్ 45 మిలియన్ డాలర్ల  లాభాలని చూసింది).  ఇదే  క్రమం లో   ఆపిల్  కి  తలనొప్పి గా మారిన   పేటెంట్  లా సూట్  మూలం గా   మైక్రోసాఫ్ట్  తో  ఏర్పడిన అనేక వివాదాలు  పరిష్కరించే  దిశ  గా   స్టీవ్ జాబ్స్  తన  ప్రయత్నాలు  మొదలు పెట్టాడు. ఆ  ప్రయత్నాల  ఫలితం గానే   1997 లో  వివాదాలకి  ముగింపు  పలికేందుకు   ఒక  అంగీకారానికి వచ్చేలా   బిల్ గేట్స్ ని ఒప్పించగలిగాడు . ఆ డీల్ లో  బాగం గా  మైక్రోసాఫ్ట్ మాక్ కోసం ఆఫీస్ సూట్ సాఫ్ట్వేర్  తయారు చేసేట్లు గాను,  దానికి  ప్రతి గా  మాక్ లో  internet explorer ని  డిఫాల్ట్  బ్రౌజరు గా 5 సంవత్సరాలు  కొనసాగించేట్లు గాను, మైక్రోసాఫ్ట్ ఆపిల్ లో 150 మిలియన్ డాలర్ల  ని non -voting షేర్ల  రూపం లో పెట్టుబడి  పెట్టేట్లు గాను నిర్ణయాలు తీసుకున్నారు. ఆ ప్రకారమే  1998 నుంచి 2003  వరకు మాక్ లో డిఫాల్ట్  బ్రౌజరు గా  internet explorer  ఉండేది, ఆ తరవాత కాలం లో  ఆపిల్  స్వంత బ్రౌజరు సఫారి ని  విడుదల  చేసారు . 

Macworld Boston 1997-The Microsoft Deal 



ఇలా మార్కెట్ లో కంపెనీ ప్రతిష్ఠ  పెంచే ప్రయత్నాలతో పాటే, స్టీవ్ ఆపిల్ అంతర్గత సమస్యలని పరిష్కరించే పనిలో పడ్డాడు. దానిలో భాగంగా ఆపిల్ లో నడుస్తున్న ప్రతి ఒక్క ప్రాజెక్ట్ సంబంధించిన వివరాలను ఆ టీం ద్వారా తెలుసుకునే ప్రయత్నం చేసాడు . ప్రతి ఒక్క టీం , స్టీవ్ జాబ్స్ ని కాన్ఫరెన్స్ రూమ్ లో కలిసి వివరాలు చెప్పి అది కంపెనీ భవిష్యత్తుకి ఎందుకు ఉపయోగమో కన్విన్స్ చేయాల్సిన భాద్యత ఉండేది. (ఆపిల్ ఆఫీస్ ఎలివేటర్ లో ఉన్న సమయం లో కూడా ఎంప్లాయిస్ ని ఫైర్ చేసే అవకాశం ఉంది అన్న రూమర్లు ఉండేవి, దానితో స్టీవ్ తో పాటు ఎలివేటర్లో ప్రయాణం చేయటానికి కూడా ఆపిల్ ఎంప్లాయిస్ భయపడేవారు) ఇలా క్షుణ్ణంగా వివరాలు తెలుసుకున్న తరవాత ఎటువంటి సెంటిమెంట్లు లేకుండా వివిధ దశల్లో ఉన్న మొత్తం  300  ఆపిల్  ప్రాజెక్ట్స్  ని  10   ప్రాజెక్ట్స్  కి తగ్గించాడు. దీన్ని గురించి స్టీవ్ మాటల్లో :
"And I started to ask people," he continued, "why would I recommend a 3400 over a 4400? Or when should somebody jump up to a 6500, but not a 7300? And after three weeks, I couldn't figure this out. And I figured if I can't figure it out working inside Apple with all these experts telling me in three weeks, how are customers ever going to figure this out?"
     -Steve Jobs (at 1998's Worldwide Developers Conference)

iMac 
ఆపిల్ లో కొనసాగించాలి అని నిర్ణయించిన 10 ప్రాజెక్ట్స్ లో ముఖ్యమైనది NC మెషిన్ (Network Computer) అనేది చాల ముఖ్యమైంది. దీని ఆధారంగా iMac ని రూపొందించాలి అని నిర్ణయం తీసుకున్నారు (i stands for internet ). iMac రూపు రేఖలని డిజైన్ చేసిన Jonathan Ive ని తరవాత కాలం లో ఆపిల్ ఇండస్ట్రియల్ డిజైన్ టీం కి హెడ్ గా నియమించారు. iMac USB connectivity తో డిజైన్ చేయబడిన మొట్ట మొదటి మెయిన్స్ట్రీం కంప్యూటర్. అలాగే స్టీవ్ కి ఫ్లాపీ డిస్క్ అంటే ఉన్నఅయిష్టం మూలంగా ఫ్లాపీ డ్రైవ్ లేకుండా డిజైన్ చేయబడిన మొట్ట మొదటి కంప్యూటర్. వీటన్నిటికి మించి iMac బ్లూ / గ్రీన్ రంగులలో డిజైన్ చేయబడిన translucent, round machine అవ్వడం తో అప్పటి వరకు వచ్చిన కంప్యూటర్స్ తో పోల్చితే డిఫరెంట్ డిజైన్ తో మార్కెట్ లో విపరీతమైన క్రేజ్ వచ్చింది . ఇన్ని ప్రత్యేకతలు ఉన్న iMac ని, 14 సంవత్సరాల క్రిత్రం ఎక్కడైతే మొట్టమొదటి మాక్ ని unveil చేసాడో అదే Flint Center auditorium, Cupertino లో మే 6, 1998 న unveil చేసాడు (ఆ వీడియో ని ఇక్కడ చూడొచ్చు) . iMac రెండు సంవత్సరాల కాలం లో రెండు మిలియన్ల యూనిట్ అమ్ముడు అయ్యి, ఆపిల్ ప్రొడక్ట్స్ లో ఒక అతి పెద్ద హిట్ అయిన ప్రోడక్ట్ గా నిలిచిపోయింది. 1980 లో మొదటిసారి గా ఆపిల్ పబ్లిక్ ఇష్యూ కి వెళ్ళినప్పుడు యాపిల్ కి, దానితో పాటు తనకి వచ్చినంత క్రేజ్ ని, కీర్తి ప్రతిష్ఠలని 1998 లో తిరిగి అదే స్థాయి లో పొందగలిగాడు. ఇలా మూడు సంవత్సరాల పాటు విజయవంతం గా ఆపిల్ ని లాభాల బాట లో నడిపిన తరవాత జనవరి 5 , 2000 కీనోట్ అడ్రస్ సమయం లో ఇంటరిమ్ సీఈఓ నుండి ఫుల్ టైం సీఈఓ గా మారాడు .

Macworld San Francisco 2000-Steve Jobs Becomes iCEO of Apple




Why Steve didn't like Switches ?   Wait wait  until next  part :-)
- శ్రావ్య 

10 comments :

Raja Rao Pantula said...

Very nice post Sravya. Keep going !

రాజ్ కుమార్ said...

నిజానికి నాకు మీరు చెప్పేవరకూ ఆపిల్ ప్రోడక్ట్స్ మీద పెద్ద ఇంట్రస్ట్ లేదండీ.
ఇప్పుడు స్టీవ్స్ గురించి తెలుసుకున్న తర్వాత గౌరవం పెరిగిపోతుంది.
నైస్ పోస్ట్.. గ్రేట్ సిరీస్

వేణూశ్రీకాంత్ said...

చాలా బాగారాస్తున్నారు శ్రావ్యా ఇలా కొన్ని వీడియోలు కోట్స్ తో సహా రాస్తున్న విధానం బాగుంది, ఆసక్తిగా చదివిస్తున్నారు.

Anonymous said...

For me Steve Jobs is just a successful CEO, nothing more than that. Professional writers are there to glorify anyone. Americans are good in selling themselves.

ఫోటాన్ said...

చాలా బాగా రాసారు శ్రావ్యక్కా, చాల విషయాలు తెలిశాయి.
నా దగ్గర ఐమాక్ లు మొదటి రెండు మోడల్స్ వున్నాయి, ఆ డిజైన్ చూసాక, వాడాక స్టీవ్ నిజం గా గ్రేట్ అనిపించింది. :)

జలతారువెన్నెల said...

I did not notice you were writing these articles about Steve jobs. Nice work Sravya.

Vasu said...

Going great!! Waiting for the next one.

I spent almost a couple of hours on this thanks to the video you linked here. But its worth the time.

I felt (like the booing apple fans in the video) that Steve Jobs stooped too low when he made the deal with Microsoft.

Anonymous said...

చాలా బావుంది, మీ పోస్ట్ ల సిరీస్ చదివుతూ ఉంటెయ్ ఆపిల్ ఉన్న పిచ్చి ఇంకా ఇంకా పెరుగుతూ ఉంది.... :) :)

రాజేంద్ర తడవర్తి said...

అరే.. how did i miss this?

చాలా బాగా రాసారు.. as usual. Videosతో పాటు చెప్పటం చాలా బాగుంది.. and good that you have all the collection.. :)

Sravya Vattikuti said...

@శ్రీకాంత్ గారు , @రాజారావు పంతుల గారు , @రాజ్, @వేణు శ్రీకాంత్ గారు , @అనానిమస్ గారు, @ఫోటాన్, @జలతారు వెన్నెల గారు ,@వాసు గారు @అనానిమస్ గారు , @రాజేంద్ర
అందరికీ చాల చాల థాంక్స్ అండి :-)
@ఫోటాన్ రెండు మోడల్స్ ల్యాబ్ లోనా ? అవును మాక్ మొదటి మోడల్స్ ఎడ్యుకేషన్ సెక్టార్ లో బాగా క్లిక్ అయ్యాయి , అప్పట్లో కొని ఉంటారు :-)
@రాజేంద్ర మీరు లీవ్ లో ఉన్నారు లెండి అప్పుడు అందుకే మిస్సయ్యారు :-)

Post a Comment